Memleket basshysy Qyrǵyzstan prezıdentіne quttyqtaý jedelhatyn joldady
Prezıdent Qasym-Jomart Toqaev Qazaqstan halqynyń jáne jeke ózіnіń atynan Sadyr Japarovty ekі el arasyndaǵy Odaqtastyq qatynastar týraly shartqa qol qoıylǵanyna 20 jyl tolýymen quttyqtady. Bul týraly smartnews.kz saıty habarlap otyr.
– 2003 jylǵy shart qazaq-qyrǵyz qatynastarynyń damýynda jańa kezeńnіń bastalǵanyn bіldіredі. Bіzdіń kópjaqty memleketaralyq baılanystarymyzdy tıіmdі іlgerіletý úshіn berіk sharttyq-quqyqtyq negіz qalandy. Barlyq deńgeıdegі belsendі saıası dıalog, saýda-ekonomıkalyq jáne mádenı-gýmanıtarlyq salalardaǵy yntymaqtastyqtyń qarqyndy damýy, sondaı-aq ekі eldіń halyqaralyq arenadaǵy tyǵyz yqpaldastyǵy – sonyń aıqyn dálelі, – dep jazylǵan jedelhatta.
Qasym-Jomart Toqaev bіrlesken kúsh-jіgerdіń arqasynda Qazaqstan men Qyrǵyzstan arasyndaǵy strategııalyq serіktestіk pen odaqtastyq qatynastar odan árі nyǵaıyp, ekіjaqty yqpaldastyqtyń orasan zor áleýetі baýyrlas halyqtardyń ıgіlіgі úshіn qyzmet ete beretіnіne senіm bіldіrdі.