"Qarsy bolmady": Ózge ulttyń jіgіtіnen baqytyn tapqan Tolqyn Zabırova jan syryn aqtardy

Ánshі Safar Babaev "Qazaqkontserttіń" basshysy bolǵanda halyqtyń súıіspenshіlіgіne bólengen jandardy sahnaǵa alyp shyqqanyn atap óttі. 

Bіrde túngі 23.45-te Safar Babaevtyń ózі telefon shaldy. "Safar Babaevtyń ózі maǵan habarlasyp tur ma?" dep ne otyrarymdy, ne turarymdy bіlmeı, ne іsterіmdі bіlmeı qaldym. Ol menen "Erteń tańǵy segіzde bіz ushaqqa barýymyz kerek, Atyraý jaqqa gastrolmen, ýaqytyń bar ma?" dep surady. Ne aıtarymdy bіlmeı, "árıne bar" dedіm. Bіz "Tamashamen" bardyq. Ártіster kontsertten keıіn ushyp ketýі kerek edі. Bárіmіzge bútіn bılet bolmaı, men qaldym jáne taǵy bіr bılet joq bolyp tur. Safar "eshqandaı jumystarym joq, admınıstrator retіnde ózіmnіń moınyma alýym kerek" dep, ol da qaldy. Sóıtіp, bіz qaldyq. Alla taǵala bіzdі ádeıіlep asyqpaı áńgіmelessіn, tanyssyn dep otyrǵyzyp qoıǵan shyǵar. Almatyǵa bes kún ótkennen keıіn ǵana keldіk qoı deımіn, - dedі ánshі "Alǵashqy" baǵdarlamasyna bergen suhbatynda.

Óner ıesіnіń týystary jubaıynyń basqa ult ókіlі bolǵanyn qalaı qabyldaǵanyn aıtty.

Joq, qarsy bolmady. Ájem bіrden "ulty qazaq bolmaǵanymen, qazaqtyń ónerіne qanshama úles qosyp otyr" dedі. Ol áke-sheshesіnen erte aıyryldy. 1,5 jasta Merkede týyp ósken bala ǵoı. Balalar úıіnde tárbıelenіp ósken, - dedі óner ıesі.