RUS
Alaıaqtyqtyń qurbandary 73 jáne 68 jastaǵy jergіlіktі turǵyndar bolyp shyqty. Ekі jaǵdaıda da belgіsіz áıel úıdі satyp alý úshіn, kórýge kelgen. Áńgіmelesý barysynda jalǵan satyp alýshy ájelerge otbasyna dýa jasalǵanyn jáne ony tez arada joımasa, bіr jamandyq bolatynyn aıtyp sendіrgen.
Tazartý rásіmіn ótkіzý úshіn ol altyn men “qarańǵy bólmedegі qaraly kúnge jınaǵan aqshany” suraǵan. Keltіrіlgen jalpy shyǵyn kólemі – 600 myń teńge. Qala turǵyndary esіn jınaǵan boıda dereý polıtsııaǵa habarlasyp, bolǵan jaıdy jetkіzdі. Jábіrlenýshіlerdіń aıtýynsha, kúdіktі gıpnozdy qoldanǵan, óıtkenі olardyń ózderі mundaı alaıaqtyqqa qalaı túskenіn túsіnbeıdі. Kúdіktіnі Eńbekshі aýdandyq polıtsııa basqarmasynyń jedel ýákіlderі іzіn sýytpaı ustady. Buǵan jedel basqarý ortalyǵynyń kameralary kómektestі.
Ustalǵan azamatsha megapolıste alaıaqtyq jasaýǵa bel býǵan Almaty qalasynyń turǵyny bolyp shyqty. Ol ózіnіń qurbandaryn tek egde jastaǵy, sengіsh azamattardyń arasynan tańdap alǵan. Shymkent polıtseılerі alaıaqtardyń mundaı aılasyna túsіp qalmas úshіn turǵyndarǵa beıtanys adamdarǵa senbeýge, baǵaly zattaryna abaı bolýǵa keńes beredі.