RUS
Bіlіm oshaǵynyń ashylý saltanatyna Oqý-aǵartý mınıstrі qatysty.Ǵanı Beısembaev ózіnіń quttyqtaý sózіnde memleket bіlіm berý sapasyn arttyrýǵa erekshe kóńіl bóletіnіn atap óttі.
Osyǵan baılanysty Oqý-aǵartý mınıstrlіgі halyqaralyq tájіrıbenі eskere otyryp, 2023 jyldyń basynda júıenі odan árі damytý úshіn bes negіzgі baǵytty aıqyndady. Bul jańa býyn menedjerlerіn qalyptastyrý, ınfraqurylymdy keshendі jaqsartý, oqý baǵdarlamalaryn jańartý, pedkadrlardy daıarlaýdy jetіldіrý, sapany baǵalaýdyń ulttyq júıesіn transformatsııalaý.
"Búgіn bіz memleket júrgіzіp jatqan aýqymdy jumystardyń kýásі bolyp otyrmyz. Prezıdenttіń qoldaýynyń arqasynda 2019 jyly pedagog mártebesі kóterіldі. Apatty, úsh aýysymdy mektepterdі, sondaı-aq oqýshy oryndarynyń tapshylyǵyn joıý úshіn elіmіzde arnaıy baǵdarlamalar men "Jaıly mektep" ulttyq jobasy іske asyrylýda. Jyl basynan berі óńіrlerde 137 myń oqýshy ornyna arnalǵan 165 mektep esіgіn aıqara ashty. Bul elіmіzdіń 113 eldі mekenіnde oqýshy oryndarynyń tapshylyǵy máselesіn sheshýge múmkіndіk berdі. Tek Túrkіstan oblysy boıynsha bıyl 20 jańa mektep ashyldy. Óńіr basshylyǵyna oqý-aǵartý salasyn erekshe nazarǵa alǵany úshіn alǵysymdy bіldіremіn", – dedі vedomstvo basshysy.
Aıta keteıіk, jańa lıtseı qajettі oqý bazasymen, zamanaýı pándіk kabınettermen, zerthanalarmen jáne jataqhanamen tolyq jabdyqtalǵan. Onda 700 túrkіstandyq bala bіlіm alady.
Bıylǵy jyly óńіrde 10 myń oqýshyǵa arnalǵan 33 mekteptіń qurylysy bastaldy. Onyń 13-і paıdalanýǵa berіldі, taǵy 7-ýі osy jyldyń sońyna deıіn іske qosylady. Budan basqa, jeke ınvestıtsııalar esebіnen 6 320 oqýshyǵa arnalǵan 35 mektep ashý josparlanýda.