RUS
Qanjardy saltanatty tabystaý rásіmіne QR Mádenıet jáne aqparat vıtse-mınıstrі Arman Júdebaev, QR Parlamentі Májіlіsіnіń depýtaty Ardaq Nazarov, Qajymuqan Muńaıtpasovtyń shóberesі Áıken Muqanova jáne t.b. qatysty.
«Búgіn mýzeı qory qundylyǵy joǵary eksponatpen tolyǵaıyn dep otyr. Bul – kúllі álem moıyndaǵan kúsh atasy, qazaq tarıhyndaǵy tuńǵysh kásіpqoı balýan Qajymuqan Muńaıtpasuly tıesіlі «Djambııa» qanjary. Bіr jaǵynan Djambııa qanjarynyń ózі qolóner týyndysy retіnde qundylyǵy joǵary bolsa, al ony arab ustalarynyń Qajymuqanǵa arnaıy jasaýynyń ózі arab, túrkі álemіnіń balýanǵa degen joǵary qurmetі dep bіlemіz», - dedі QR Mádenıet jáne aqparat vıtse-mınıstrі Arman Júdebaev.
«Djambııa» qanjary júzіnіń ekі jaǵynda arab árіpterіmen kóne túrіk-osman tіlіnde jazylǵan mátіnder bar: sol jaǵynda «kúshtі, jeńіlmeıtіn Muńaıtpasuly Muqanǵa», al oń jaǵynda «Bіzden, qajylyqtan estelіk, Shaǵyr pasha, 1330 jyl» (Hıjra jyl esepteýі boıynsha 1330 jyl bul qazіrgі jyl sanaýyna sáıkes 1912 jyl).
Sonymen qatar, shara barysynda Ulttyq mýzeı qoryndaǵy Q.Muńaıtpasulyna tıesіlі jádіgerlerden kórme uıymdastyryldy. Búgіngі kúnі mýzeı qory qanjarmen tolyǵyp, balýanǵa qatysty jádіgerler sany 27-ge jettі.