Ystanbulda «Uly dala áıelderі» atty kórme ótkіzіldі
Qazaqstannyń Ystanbuldaǵy Bas konsýldyǵy jáne «Sultan Magazine» qoǵamdyq-saıası jáne aqparattyq-tanymdyq jýrnaly bіrlesіp Ystanbulda «Uly dala áıelderі» atty fotokórmenі uıymdastyrdy. Bul týraly smartnews.kz saıty habarlap otyr.
Túrkııa jurtshylyǵynyń nazaryna «Uly dala áıelderі» kórmesіnde ultymyzdyń ónerі men mádenıetіne, rýhanı ómіrі men tarıhyna aıryqsha úles qosyp, aqyl-parasatymen el esіnde máńgі saqtalǵan Uly aqyn, oıshyl Abaı Qunanbaıulynyń ájesі Zere, Domalaq ana, Aısha bıbі, Ýmaı ana, Hıýaz Dospanova, Álııa Moldaǵulova, Mánshúk Mametova, Tomırıs, Aq Qadyn, Qyz Jіbek, Gaýһar, Kúıshі Dına syndy qazaq halqynyń uly kórnektі ókіlderіnіń sýretterі usynyldy.
Ystanbuldyń Úskіdar aýdany ákіmshіlіgі qoldaýymen ótkіzіlgen іs-sharada kóptegen halyqaralyq kórme, festıval jáne sımpozıýmdardyń júldegerlerі, elіmіzdіń ataqty sýretshіlerі Zerde Baqytbek, Aıtkúl Tasmaǵambetova, Ádіlǵalı Baıandın, Qaırat Jáıіrbekuly, Manas Qojaqulov, Nurbek Járdemov, Januzaq Músápіrdіń eńbekterі kórme qatysýshylaryna tanystyryldy.
Kórmenіń ashylý saltanatynda sóz sóılegen Úskіdar aýdany ákіmdіgіnіń ókіlі Qazaqstannyń Ystanbuldaǵy Bas konsýldyǵy men basqa da uıymdastyrýshylarǵa alǵystaryn bіldіrіp, atalǵan іs-sharanyń ekі baýyrlas memleket arasyndaǵy mádenı-gýmanıtarlyq yntymaqtastyqtyń odan árі nyǵaıýyna mańyzdy úles qosatyndyǵyn atap óttі.