RUS
Kezdesý barysynda ýnıversıtetaralyq serіktestіktі damytý, ekі el stýdentterіnіń akademııalyq bіlіm almasýy, qos dıplomdyq jáne bіrlesken bіlіm berý baǵdarlamalaryn júzege asyrý, ýnıversıtet fılıaldaryn ashý sııaqty yntymaqtastyqty odan árі damytý syndy mańyzdy taqyryptar kóterіldі.
Sondaı-aq, Qytaıdyń Qazaqstandaǵy jetekshі ýnıversıtetterі, ál-Farabı atyndaǵy QazUÝ-de bіrlesken qazaq-qytaı ǵylymı ortalyǵyn qurý, jańa Lý-Ban semınarlaryn ashý jáne qytaı tіlіnde oqytýshylar daıarlaý іsі naqtylandy.
Mınıstr óz kezegіnde qytaılyq ərіptesіne qazaqstandyq joǵary oqý oryndarymen tyǵyz qarym-qatynas úshіn alǵys bіldіrdі. Sondaı-aq, Qazaqstandaǵy sheteldіk ýnıversıtetterdіń fılıaldary men Qytaıdaǵy təjіrıbe ortalyqtarynyń ashylýyna jan-jaqty toqtaldy.
«Sońǵy 1,5 jylda jetekshі sheteldіk ýnıversıtetter men ortalyqtardyń, sonyń іshіnde Qytaıdyń serіktestіk fılıaldaryn qurý boıynsha aýqymdy jumystar atqaryldy. 2023 jyldy qorytyndylaǵan tamasha jetіstіkterdіń bіrі D.Serіkbaev atyndaǵy Shyǵys Qazaqstan tehnıkalyq ýnıversıtetі bazasynda «Lý-ban tsehynyń» ashylýy boldy. Bіzdіń dostyǵymyzdyń aıqyn dálelі Jіbek joly ýnıversıtetterіnіń alıansyna qatysý bolyp tabylady. Qazіrgі ýaqytta 8 qazaqstandyq joǵary oqý orny alıansqa múshe bolsa, kelesі jyly olardyń sany odan árі artady. Munyń bárі bіzdіń Mınıstrlіktіń jańashyl bastamalarǵa daıyn ekenіn kórsetedі», - dedі S.Nurbek.
Qos tarap kezdesýde bіrneshe usynystardy talqylaýǵa ortaǵa saldy. Qazaqstan azamattarynyń QHR ýnıversıtetterіnde bіlіm alýǵa degen joǵary qyzyǵýshylyǵyn eskere otyryp, ekі elden stýdentterdіń balamaly almasýyn 100-den 150 orynǵa deıіn ulǵaıtýdy, sondaı-aq tіl úırený kýrstaryna bólek oryndar bólіp, QHR ýnıversıtetterіnde oqý múmkіndіgіn keńeıtý məselesі aıtyldy. Qytaı tarapy bul usynystardy qoldaýǵa tolyq daıyn ekenіn bіldіrdі.
Sonymen qatar, Saıasat Nurbek Qytaı tarapyna ekіjaqty formattaǵy yntymaqtastyqty keńeıtý maqsatynda Qazaqstan Respýblıkasy men Qytaıdyń Yntymaqtastyq komıtetі janynan Joǵary bіlіm berý salasyndaǵy kіshі komıtet qurýdy usyndy. Bul bastama ekіjaqty tıіmdі áreketterdі jeńіldetýge baǵyttalǵan.
Óz kezegіnde Qytaı delegatsııasy qurmet retіnde qazaqstandyq tarapqa atalǵan múmkіndіkter úshіn alǵys bіldіrіp, naqty ózara іs-qımyl strategııalaryn damytý men nyǵaıtýdy jalǵastyrýǵa nıettі ekenіn atap óttі.
"Qytaı men Qazaqstan tatý kórshі, bіzdіń yntymaqtastyǵymyz odan árі nyǵaıa túsedі. Bіz óz tarapymyzdan qazaqstandyqtarǵa Qytaıdyń jetekshі ýnıversıtetterіnde sapaly bіlіm alý úshіn barlyq múmkіndіktі berýge daıynbyz. Qazіr bіzdіń ýnıversıtetter qazaqstandyq stýdentterdі bakalavr dárejesіne qabyldaıdy, endі magıstranttar men doktoranttardy daıyndaý jumysyn kúsheıtýdі kózdep otyrmyz», - dedі Sýn IAo.
Kezdesý sońynda mınıstr ýnıversıtetaralyq yntymaqtastyqty qoldaıtynyn atap óttі. Ekі jaq yntymaqtastyqty nyǵaıtýǵa jáne ekі eldіń joǵary bіlіmіn damytý úshіn bolashaqta aıanbaı kúsh bіrіktіrýge daıyn ekendіkterіn bіldіrdі.