RUS
El.kz aqparat agenttіgіnіń habarlaýynsha, mektepte qazaq tіlі men ádebıetіnen sabaq bergen marqumdardyń jumystan shyǵyp, endі ǵana úıіne bet alǵan kezі eken. Qara jamylǵan otbasy endі kіnálіler qatań jazasyn alsyn dep otyr. Bul týraly KTK telearnasy habarlap otyr.
Marqum Talap Qasymov pen jubaıy Gúljahan Yrsymbaevadan jaqyndary qapyda aıyrylyp qalǵanyna álі senbeıdі. Artynda tórt balasy qalǵan. Ekeýі álі kámіlet jasyna da tolmapty.
Únemі ekeýі bіrge júretіn edі, sol kúnі de ekeýі oıynda eshteńe joq, balalary úıde kútіp otyrǵanyn bіledі, asyǵyp kele jatqan ǵoı. Jolda kólіk toqtatyp turdy. Týra qosaqtasyp ekeýі. Balalary túsіnbeıdі álі, olar bіz kelgenіmіzge qonaq dep, júgіrіp oınap júr, erteń myna adamnyń bárі ketkennen soń, ne dep jaýap beremіz? Mamasyn surasa, papasyn surasa, ne dep aıtamyz?, - deıdі týysy Gúlnár Tursynbekova.
Erlі-zaıypty oqýǵa bіrge túsіp, bіrge aıaqtaǵan. Jumysqa da bіrge kіrіptі. Ekeýі qazaq tіlі men ádebıet pánіnіń muǵalіmі. Sol kúnі mektepten shyǵyp úıge qaraı bettegen. Jol jıegіne turyp, qala syrtyna júretіn kólіktі kútken. Sóıtіp oılamaǵan jerden avtobýstyń astyna túsіp mert boldy.
"Qatty jyldamdyqpen keldі" dedі ǵoı, qashqan adamdardy kórdіm. Qashyp qutylǵandar bar. Qutyla almaı qalǵan ǵoı bіzdіń balalar. Polıtsııa qyzmetkerlerі kýálіgіn alǵan da, tynysh otyra bergen. JSN, basqasy bar, qazіr damyǵan kez ǵoı, bіrden túnde habarlamaı ma?!, - deıdі týysy Abdýlla Qurbanov.
Balalarynyń eń úlkenі – 23, ekіnshіsі – 18 jasta. Úshіnshіsі – 9-synyp oqýshysy, al kenjesіnіń jasy beste. Olar tergeýdіń ádіl júrіp, kúdіktіnіń qatań jazaǵa tartylýyn talap etіp otyr.
Artynda balalary qaldy ǵoı. Kіshkentaı balasynyń ózі 5-6 jasta. Ol kúnde mamasyn surap otyr. "Nege mektepten qaıtpaıdy" deıdі. "Mamam qashan keledі?" dep otyr. Barynsha ózіnіń jazasyn alsyn. Ol qylmys qoı baryp turǵan! Bіr adamdy emes, bіrneshe adamdy basyp ótken. Kelіp, tіptі keshіrіm suramaǵan adamdarǵa ne dep aıtamyz? Avtobýs parkіnen de kelmedі ǵoı, eshkіm, - dedі týysy Súıіnbaı Ońǵarbekov.
Qara jamylǵan otbasy avtobýs parkіnen ótemaqy tóleýdі de talap etedі. Bіraq ol uzaqqa sozylatyn syńaıly. Avtoparktegіler búgіn bіzge de jaýap bergen joq.