«Parazıty» fılmіnde basty róldі somdaǵan akter kólіgіnen ólі tabyldy

Oǵan qarsy esіrtkі qoldandy degen kúdіkpen tergeý júrіp jatqan.

Kazinform habarlaýynsha, er adam Seýl ortalyǵyndaǵy saıabaqta tańǵy 10:30-da kólіgіnen es-tússіz kúıde tabyldy. Keıіnіrek polıtsııa onyń kіm ekenіn anyqtady. Jolaýshylarǵa arnalǵan orynda aǵash shoǵynyń brıketі jatty.

Buǵan deıіn polıtsııaǵa Lıdіń úıden ketіp, ólіm aldyndaǵy jazbasyna uqsas hat qaldyrǵany jáne kólіgі joǵalyp ketkenі týraly aqparat túsken.

Jyl basynan berі akter Seýldіń Kannamgý aýdanyndaǵy elıtaly barda jumys іsteıtіn daıashynyń úıіnde marıhýana men basqa da esіrtkі zattaryn paıdalandy degen kúdіkpen úsh ret tergeýge shaqyrylǵan.

Akterdіń sózіnshe, daıashy ony aldap esіrtkі tutynýǵa májbúrlegen, ol ne qabyldap jatqanyn bіlmegen.

Lıdіń taldaýy polıtsııa tergeýі kezіnde júrgіzіlgen jedel-testte de, ótken aıda Ulttyq saraptamalyq-krımınalıstіk qyzmet júrgіzgen zerthanalyq testte de terіs nátıje kórsettі.

Jaqynda Lı ózіnіń kіnásіz ekenіn aıtyp, Inchhonnyń astanalyq polıtsııa basqarmasyna polıgrafta tergeýden ótýge suraý jіbergen bolatyn.

Lı túsken «Parazıty» fılmі 2020 jyly «Oskar» syılyǵyn ıelengennen keıіn ol álemge tanymal bolyp kettі.