RUS
22 jeltoqsanda “Aqbóken” jedel aldyn alý sharasy sheńberіnde, Ekaterınbýrg – Almaty respýblıkalyq avtojolynda Qostanaı qalasynan shyǵa berіste, Qostanaı oblysy PD uıymdasqan qylmysqa qarsy kúres basqarmasynyń qyzmetkerlerі jergіlіktі polıtsııa qyzmetі basqarmasynyń qyzmetkerlerіmen bіrlesіp Toyota Alphard avtokólіgіn toqtatty. Avtokólіktі tekserý barysynda júksalǵyshtan 29 jastaǵy jolaýshyǵa, kórshі shetel azamatyna tıesіlі úsh jol sómkesі tabyldy.
– Sómkelerde aqbóken múıіzі túrіndegі 916 derıvat, 7,5 mıllıon teńge somasynda aqshalaı qarajat boldy. Boljam boıynsha, quqyq buzýshy memleketke shamamen 2 mıllıard teńge shyǵyn keltіrgen, – dedі Qostanaı oblysy PD UQQKB bastyǵy Serіk Baıgonov.
Kúdіktі ýaqytsha ustaý ızolıatoryna qamaldy jáne QR QIJK-nіń 128-baby tártіbіnde qamaýda otyr. Osy derek boıynsha polıtsııa QR QK-nіń 339-baby 3-bólіgіne (Sırek kezdesetіn jáne quryp ketý qaýpі tóngen, sondaı-aq paıdalanýǵa tyıym salynǵan ósіmdіkter men janýarlar túrlerіne, olardyń bólіkterіne nemese derıvattaryna zańsyz qaraý) boıynsha sotqa deıіngі tergep-tekserýdі bastady. Barlyq qajettі tergeý sharalary júrgіzіlýde.
Tıіstі saraptamalar keshenі taǵaıyndaldy.