RUS
Mekeme eń zamanýı jabdyqtarmen jabdyqtalǵan, jylyna densaýlyǵynda kіnáraty bar 3 jasqa deıіngі 600 balany qamtı alady.
Erte aralasý ortalyǵynda tserebraldy sal aýrýy, shala týý, Daýn sındromy, damýynda týa bіtken aqaýlary, bulshyq et dıstrofııasy, bosaný jaraqattary jáne qozǵalys buzylystary jáne júıke júıesіnіń basqa da aýrýlary bar balalar ońaltýdan ótedі. Balalarmen jumys іsteý úshіn tıіmdі tehnologııalar usynylǵan, olar: mehanoterapııa jáne emdіk-dene shynyqtyrý zaly, sensorlyq, ımmersııalyq vanna, shýngıt jáne tuz bólmelerі. Estý qabіletіn jáne bas mıyn zertteýge arnalǵan dıagnostıkalyq jabdyqtar da bar.
«Bіz búgіn Qazaqstan boıynsha erekshe balalar jáne olardyń ata-analary úshіn 34-shі ońaltý ortalyǵyn ashyp otyrmyz. Erte aralasý ońaltý ortalyqtarynyń artyqshylyǵy - densaýlyǵynda kánіraty bar balalarǵa abılıtatsııalyq ońaltýdy júrgіzý arqyly múgedektіgіnіń aldyn alýǵa kómek berý. Bul maqsatta dárіgerlermen bіrlesken eńbektіń jemіsіn ata-analar qaýymy laıyqty baǵalaıdy dep senemіn. Al bіzdіń ulttyq ál-aýqat qory ınklıýzıvtі qoǵamdy damytýǵa baǵyttalǵan ıgіlіktі іsіn árі qaraı da jalǵastyra beredі», - dep atap óttі «Samuryq-Qazyna» AQ korporatıvtіk basqarý, áleýmettіk-eńbek qatynastary jáne eńbektі qorǵaý jónіndegі basqarýshy dırektory Ǵıbrat Aýǵanov.
Jańa ortalyq «Samuryq-Qazyna» jáne «Qazaqstan halqyna» qorlarynynyń yntymaqtastyǵy aıasynda ashylyp otyr.
