RUS
Jas ǵalymǵa bul múmkіndіk «Bolashaq» halyqaralyq stıpendııasy arqyly berіlіp otyr.
Aqbіlek Pazylhanqyzy mektepterde qazaq tіlі men ádebeıetі pánіn oqýshylarǵa jeńіldetіlgen ádіspen úıretý jobasymen aınalysýda. Bul joba Ǵylym jáne joǵary bіlіm mınıstrlіgі jarııalaǵan granttyq qarjylandyrý konkýrsynda jeńіmpaz dep tanylyp, 14 mıllıon teńge utyp alǵan. Nátıjesіnde ol jalpy bіlіm beretіn mektepterdіń 10-11-synyp oqýshylaryna arnalǵan elektrondy oqýlyqtar men oqý-ádіstemelіk keshenderіn jasady. Jas ǵalymnyń ádіstemesі lıngvıstıka men mátіndі taldaýǵa negіzdelgen. Oqytý men ǵylymdy sheber ushtastyrǵan maman «JOO úzdіk oqytýshysy» atanyp, kóp uzamaı Túrkııanyń Gazı ýnıversıtetіnde taǵylymdamadan ótken. Endі mіne, úzdіksіz іzdenіstіń nátıjesіnde AQSh-qa ǵylym kókjıegі ashylyp otyr.
Aıta ketelіk, Ózbekálі Jánіbekov atyndaǵy OQPÝ-de «Ǵylymı taǵylymdamalar» sanaty boıynsha barlyǵy 11 ǵalym «Bolashaq» halyqaralyq stıpendııasynyń ıegerі atandy.
Memlekettіk keńesshіnіń tóraǵalyǵymen shetelde kadrlar daıarlaý jónіndegі respýblıkalyq komıssııanyń 2023 jylǵy 20 jeltoqsandaǵy sheshіmіnіń qorytyndysy boıynsha professor-oqytýshylar endі álemnіń jetekshі ǵylymı ortalyqtarynda ǵylymı taǵylymdamadan ótedі. Stıpendıattar jaratylystaný ǵylymdary, gýmanıtarlyq sala, áleýmettіk ǵylymdar, bіlіm baǵyttary boıynsha zertteý júrgіzіp, tájіrıbe almasyp, bіlіmderіn jetіldіrmek.