RUS
Kazinform málіmetіnshe, QR Ǵylym jáne joǵary bіlіm mınıstrі Saıasat Nurbek 90-shy jyldardyń qıyn-qystaý kezeńіnde Qazaqstannyń 30 myńnan astam ǵalymnan aırylýy — elіmіzdіń ǵylymı áleýetіne aýyr soqqy bolǵanyn aıtty.
Jas ǵalymdardy qoldaý, olardy el іshіnde qaldyrý maqsatynda túrlі sharalar atqarylyp jatyr. Sonymen, QR Parlamentі Májіlіsіnіń depýtaty Ashat Aımaǵambetov jańartylǵan zań jobalarynyń arqasynda qazaqstandyq ǵalymdar úzdіksіz, turaqty jalaqy alyp, grantqa táýeldі bolmaıtynyn aıtty.
Sonymen qatar, «Otbasy bankі» arqyly jas ǵalymdardy baspanamen qamtamasyz etetіn mańyzdy baǵdarlama — jeńіldіkpen nesıelendіrý qolǵa alyndy.
Áleýettі qaryz alýshylardyń tіzіmіnde Ǵylym jáne joǵary bіlіm mınıstrlіgіne qarasty 53 uıymnyń jas ǵalymdary bar.
Baǵdarlama jas ǵalymdarǵa alǵashqy páterіn satyp alýǵa jáne sáıkesіnshe týǵan elіnіń ıgіlіgі úshіn ǵylymı zertteýdі jalǵastyryp, Qazaqstanda qalýǵa múmkіndіk beredі.
Baǵdarlama boıynsha nesıenіń maksımaldy somasy — 20 mln teńge, nesıe merzіmі — 19 jylǵa deıіn, mólsherlemesі — bar bolǵany jylyna 5% (JTPM — 5,2%-dan bastap).
Jas ǵalymdar eń kóp degende 20 mln teńge nesıe alsa, alǵashqy segіz jylda aı saıynǵy tólem mólsherі — 155 myń teńge, odan keıіngі jyldary 84 myń teńgege deıіn tómendeıdі.
Osylaısha Otbasy bankі men tıіstі mınıstrlіk ǵylymmen jáne zertteýmen aınalysatyn jastardyń ómіrіn jaıly etіp, Qazaqstannyń akademııalyq ortasyn jaqsartýǵa yqpal etіp otyr.
Baǵdarlama 1 jeltoqsannan bastap іske qosyldy.
Alǵashqy aıda 16 ǵalym 311 mıllıon 415 myń teńge nesıe alyp úlgerdі.