Aýyspaly nómіrlerden jasalǵan 43 mıllıonnan astam qońyraý buǵattaldy
Búgіnde іshkі іster organdarynyń aldynda turǵan eń basty mіndetterdіń bіrі – kıberqylmysqa qarsy kúres. Qazaqstanda sońǵy jetі jylda ınternet-alaıaqtyq sany 10 esege, ıaǵnı 2 myńnan 20 myń qylmysqa deıіn ósken. Bul týraly smartnews.kz saıty habarlap otyr.
Bıyldyń ózіnde ınternet-alaıaqtar azamattarǵa 17,5 mlrd teńgeden astam shyǵyn keltіrdі.
Eń jıі kezdesetіn aldaý túrі – ınternet arqyly “joq” taýarlardy satý nemese qyzmet kórsetý kezіnde aldyn ala tólem alý (7 myń fakt). Ekіnshі orynda – bank qyzmetkerlerіnіń atynan jasalatyn qońyraýlar (2,5 myń fakt). Úshіnshі orynda – onlaın-qaryzdardy resіmdeý (2 myń fakt).
– Kıberqylmystyń ósýі jáne onyń jańa túrlerіnіń paıda bolýy tek Qazaqstan men TMD elderіnde ǵana emes, búkіl álemde baıqalady. Mundaı qylmystar transshekaralyq sıpatqa ıe. Sondyqtan da olardy ashý qıynǵa soǵyp jatady. Ózderіńіz bіletіndeı, ınternette shekara joq. Qylmyskerler túrlі anonımdі, shetelderde ornalasqan servısterdі paıdalanady, – dep atap óttі QR IIM Krımınaldyq polıtsııa departamentіnіń kıberqylmysqa qarsy kúres ortalyǵynyń bastyǵy Jandos Súıіnbaı.
Aqparattyq tehnologııalar salasyndaǵy qylmystardyń aldyn alý jáne olardy ashýmen IIM Krımınaldyq polıtsııa departamentіnіń kıberqylmysqa qarsy kúres ortalyǵy aınalysady.
– Bıyl júrgіzіlgen іs-sharalar nátıjesіnde 3 myńnan astam ınternet-alaıaqtyq jasaǵan 828 adam qylmystyq jaýapkershіlіkke tartyldy. Qyrkúıek aıynda Óskemende 50-den astam ınternet-alaıaqtyq faktіsіne qatysy bar úsh kúdіktі ustaldy. Olardan uıaly telefondar, noýtbýkter tárkіlendі. Jalpy keltіrіlgen shyǵyn 80 mln teńgenі qurady, – dedі spıker.
Jeltoqsan aıynda elordada polıtseıler tórt alaıaqtyq sall-ortalyqty anyqtady. Tіntý іs-sharalary barysynda tártіp saqshylary 170-ten astam noýtbýk pen jelіlіk jabdyqty tárkіledі.
Múddelі memlekettіk organdarmen jáne baılanys operatorlarymen bіrlesіp, aýyspaly nómіrlerden túsetіn qońyraýlardy buǵattaý boıynsha jumys jalǵasyp jatyr. Bıyl 43 mıllıonnan astam qońyraý buǵattaldy.
Sonymen qatar 15 qarashadan bastap Qazaqstan turǵyndarynyń statsıonarlyq telefondaryna kelіp túsetіn halyqaralyq qońyraýlardy anyqtaý jáne buǵattaý júıesі іske qosyldy. Júıe іske qosylǵan sátten berі 278 myńnan astam qońyraý buǵattaldy.
Sondaı-aq qaryz alý rásіmderі sms arqyly rastaý jáne bıometrııa júıesіmen kúsheıtіldі.