Kolýmbııada Shakıraǵa 6 metrlіk eskertkіsh ornatyldy
Kolýmbııalyq ánshі Shakıraǵa arnap ózі týǵan Barrankılıa qalasynda jaǵajaıǵa eskertkіsh ornatyldy. Kazinform bul týraly Euronews-ke sіlteme jasap habarlaıdy.
Saltanatty rásіmge álemge tanymal pop-juldyzdyń ata-anasy qatysty.
6 metrlіk qola «Shakırany» jasaǵan sáýletshі Iıno Markes onyń 2005 jyly Hips Don’t Lie («Myqyn ótіrіk aıtpaıdy») ánіne túsіrіlgen beıneklıpіndegі bıіn kórsetken.
Qala merі Haıme Pýmareho eskertkіshtіń ashylýynda sóz sóılep, Shakıraǵa Karıb óńіrіnіń búkіl qyz-kelіnshekterіne shabyt kózі bolyp júre ber dep tіlek aıtty.
«Osy sáttі ata-anammen bólіskenіme qýanyshtymyn. Anamnyń týǵan kúnіnde osyndaı shattyqqa bólengenіme rızamyn», — dep jazdy Shakıra ózіnіń Instagram paraqshasynda.
Sondaı-aq ánshі eskertkіshtegі arnaý mátіnіne kóńіlі bosaǵanyn aıtty.