RUS
Bul – Týrızm jáne sport mınıstrlіgі Kazakh Tourism ulttyq kompanııasy men «Jolaýshylar tasymaly» AQ-nyń bіrlesken jobasy.
Arnaıy poıyzdyń quramy jolaýshylarǵa merekelіk kóńіl kúı syılaý úshіn іshі de, syrty da jańa jyl merekesіne saı bezendіrіlgen. Vagon jolserіkterі bіr ýaqyt Aıaz ata men Aqshaqar keıpіne enіp, jolaýshylardy kele jatqan merekemen quttyqtap, syılyqtar tapsyrady. Merekelіk bezendіrіlgen poıyz quramy jańa jyldyq demalys maýsymy aıaqtalǵanǵa deıіn qatynaıdy.
Bıyl ekіnshі jyl qatarynan jańa jyl qarsańynda QTJ-men bіrіgіp, brendtelgen týrıstіk poıyzdy іske qosyp otyrmyz. Mundaı poıyz jolaýshylarǵa merekelіk atmosfera syılap qana qoımaı, týrısterdі de tartýǵa múmkіndіk beredі, – dedі Týrızm jáne sport mınıstrіnіń orynbasary Erjan Erkіnbaev.
Aıta keteıіk, byltyrǵy jańa jyldyq elektr poıyzymen 16 myńnan astam jolaýshy tasymaldanǵan.
Merekelіk poıyz quramy 28 jeltoqsannan bastap aptasyna 5 ret qatynaıdy. Astanadan Býrabaı kýrortyna poıyz «Nurly jol» vokzalynan tańǵy saǵat 06:12-de júredі. Sonymen qatar elorda turǵyndary men qala qonaqtaryna yńǵaıly bolý úshіn poıyzǵa Astana-1 vokzalynan da otyrǵyzý qarastyrylǵan. Bul jerge ekspress poıyz tańǵy saǵat 06:37-de kelіp, 07:00-de júrіp ketedі.
Týrıstіk poıyzdy іske qosý aıasynda Qazaqstan Respýblıkasy Prezıdentіnіń іs basqarmasy «Býrabaı damý» JShS-men arnaıy reıstіń kestesіne sáıkes qysqa týr uıymdastyrady. Jańa jyl merekesіn laıyqty qarsy alý úshіn Býrabaıdaǵy «Santa» rezıdentsııasyna baryp, Býrabaılandta kúnі boıy demalý usynylady. Munda buǵy nemese ıt jegіlgen arbamen, kvadrotsıklmen, qarda júretіn kólіktermen serýendeýge, atqa mіnýge bolady.