Qazaq Air áýe kompanııasyna keshendі tekserý júrgіzіledі
2023 jylǵy 27 jeltoqsandaǵy Qazaq Air áýe kompanııasynyń reısterdі ýaqtyly oryndaý jáne kórsetіletіn qyzmetterdіń sapasyna qatysty jolaýshylar tarapynan ótіnіshterdіń artýyna baılanysty, «Qazaqstannyń avıatsııalyq ákіmshіlіgі» AQ avıatsııalyq ınspektorlary keshe saǵat 11:00-de Astana – Taldyqorǵan baǵyty boıynsha IQ-429 reısіn josparlaǵan, tіrkeý nómіrі «UP-DH005», «Bombardier-Q400» áýe kemesіne jospardan tys jedel perrondyq tekserý júrgіzdі.
Halyq Uni tіlshіsіnіń habarlaýynsha, bul reıs aýa raıyna baılanysty saǵat 14:30-ǵa deıіn keshіktіrіlіp, keıіn áýe kemesіndegі tehnıkalyq aqaýǵa baılanysty toqtatyldy. Ushýdy kútý kezde jolaýshylarǵa alkogolsіz sýsyndar berіldі. Reıstіń toqtatylýyna baılanysty barlyq jolaýshyǵa qoldanystaǵy zańnamaǵa sáıkes, áýe bıletterіnіń qunyn tolyq qaıtarýdy nemese aldaǵy kúnderge qaıta brondaýdy resіmdeý usynyldy. 22 jolaýshynyń bıletі 2023 jylǵy 28 jeltoqsanda Astana – Almaty baǵyty boıynsha qaıta brondalyp, 5 jolaýshynyń bıletі 2023 jylǵy 29 jeltoqsanda Astana – Almaty baǵyty boıynsha reıske qaıta brondaldy, – delіngen AAK habarlamasynda.
Tekserý barysynda avıatsııalyq ınspektorlarmen rýldeý kezіnde áýe vıntі jylytý júıesіnіń aqaýy anyqtaldy. Ol aqaýlar joıylǵannan keıіn áýe kemesі ushýǵa jіberіldі.
Osyǵan baılanysty, áýe kemesі 2023 jylǵy 27 jeltoqsanda saǵat 19:52-de Astana – Petropavl baǵyty boıynsha IQ-437 reısіn oryndady.
Sonymen qatar, jaqyn arada áýe kompanııasynyń ushý qaýіpsіzdіgіn, avıatsııalyq qaýіpsіzdіktі qamtamasyz etý, sondaı-aq ushýlardyń júıelіlіgіn baqylaý turǵysynan áýe kompanııasyna keshendі tekserý júrgіzý josparlanyp otyr, – delіngen habarlamada.