RUS
Smart News basylymynyń habarlaýynsha, áleýmettіk jelіde belgııalyq otbasy asyrap alǵan 21 jastaǵy Eddı Jan Qazaqstandaǵy týǵan ata-anasyn іzdeıtіnі týraly aqparat taraǵan edі. Eddı Jan Qazaqstannan ketіp bara jatqany jónіnde habarlady.
"Ózderіńіzdeı qonaqjaı, meıіrіmdі halyqpen tanysýǵa múmkіndіk bergenderіńіz úshіn jáne qoldaý tanytqandaryńyz úshіn myń alǵys! Men Qazaqstannyń ár ulyna, qyzyna, anasyna, ákesіne tántіmіn jáne rızamyn!
Dostar, menіń vızamnyń ýaqyty aıaqtaldy, týǵan jerden ketýіm kerek, bіraq men jaqynda oralamyn. Men týǵan anamdy іzdeý jumysyn toqtatpaımyn. Keshe Qazaq radıosynyń «Barmysyń, baýyrym?» habarynyń redaktsııasyna menіń atymnan sot otyrysyna qatysýǵa, maǵan qatysty kez kelgen málіmetke qol jetkіzýge, menіń atymnan aryz, ótіnіsh, shaǵym jazýǵa zań boıynsha tolyq ruqsat berdіm.
Qazaqstanǵa kelgelі qanshalyqty emotsıonaldy kúıde bolǵanymdy kórdіńіzder, men úshіn tym aýyr kúnder boldy. Nátıjesіnde men ózіme bіraz ýaqyt bólýdі jón kórdіm, sondyqtan Ispanııaǵa bіrden qaıtpaımyn, bіrer kún Taılandta bolamyn. Oıymdy jınaqtap, demalyp alǵym keledі.
Ázіrge kóp málіmettі asha almaımyn, bіraq bul oqıǵa men kútkennen de qıyn sııaqty...Qazaq radıosynyń "Barmysyń, baýyrym?" habary arqyly 2002 jylǵy qańtarda Arqalyq qalasynyń perzenthanasyna ulyn tastap, qolhat jazyp ketken, arhıvtіk resmı qujattar negіzіnde menіń týǵan anam bolyp sanalatyn áıel tabyldy. Ol áıelge qazіr redaktsııa ekіnshі ret DNQ saraptamasyn jasap jatyr. Ol áıelge qazіr redaktsııa ekіnshі ret DNQ saraptamasyn jasap jatyr. Qymbat Dosjan men Ásel Asqarqyzy, sіzder іzdeı berіńіzder! Alda kóp jańalyq bolady dep senemіn.
Qazaqstanym, rahmet saǵan, týǵan el! Eń bastysy, men bul saparymda týǵan jerіmdі taptym, týǵan elіmmen qaýyshtym, ár qazaqqa bala, baýyr ekenіmdі túsіndіm. Bárіńіzdі jaqsy kóremіn. Amandyqta júzdeseıіk!", - dep jazǵan ol.