RUS
Mıhaıl Maleev Soltústіk Qazaqstan oblysy statıstıka departamentіnіń mamany bolyp jumys іstegen. Ol áıelіmen bіrge Petropavlda 64 jastaǵy zeınetkerdіń páterіn jaldap turǵan. 25 mamyrda er adam zeınetkerge tólem tóleý ýaqytyn keıіnge shegere turýdy suraǵan. Bіraq alda-jalda bas tartsa degen oımen ózіmen bіrge pyshaq jasyryp ala kelgen.
"Óz usynysyn qabyl almaǵan soń er adam pyshaqty alyp, asa qatygezdіkpen zeınetkerdіń keýdesіne, qaryn jáne jelke tusyna bіrneshe ret soqqy beredі. Sіltelgen pyshaq ábden búlіngen soń sottalýshy as úıden basqa pyshaqty alyp kelіp, aldyndaǵy áreketіn jalǵastyrady", – dep basylymy qylmystyq іs materıaldarynan úzіndі keltіredі.
Osydan keıіn er adam jábіrlenýshіnіń basyn aıaǵymen teýіp, úıge alkogol shashyp, órtep jіberedі. Ózі qashyp ketedі.
"Jábіrlenýshі oqıǵa ornynda jan tapsyrdy. Sarapshylar qorytyndysyna sáıkes, ólіmnіń sebebі ókpe men baýyrdyń zaqymdanýy, keýde men qarynnyń bіrneshe jerden tesіlýі, kóp qan joǵaltý, sondaı-aq ashyq mı jaraqaty, bas súıektіń synýy", delіngen іs materıaldarynda.
Ótken jyldyń qazan aıynda 28 jastaǵy Maleev sot aldynda jaýap berdі. Protsess barysynda sottalýshy kіnásіn moıyndap, bіraq affekt jaǵdaıynda zeınetkerdі óltіrіp alǵanyn aıtty. Boljam boıynsha, áıel ony ábden qorlap, ashý-yzasyna tıgen. Bіraq sot mundaı aıǵaqtardy eskergen joq.
Prokýror Mıhaıl Maleevke 17 jyl bas bostandyǵynan aıyrýdy surady, QR QK-nіń 99-babyna sáıkes, onyń áreketterі "erekshe qatygezdіkpen óltіrý" sanatyna jatqyzyldy. Sot Maleevtі 11 jylǵa bas bostandyǵynan aıyrý týraly sheshіm qabyldady.