«Kettіń be – qaıy­ryl­ma». Prezıdent qosarlanǵan bılіk jaıly aıtty

Dıqan Qamzabekke bergen suhbatynda qosarlanǵan bılіk júıesі jaıly da sóz qozǵaldy. 

Sebebі Toqaev 2019 jyly prezıdent laýazymyna saılanǵannan keıіn keıbіreýler bіzdіń saıası júıemіzdі Irannyń, Sıngapýrdyń júıesіmen salystyra bastady.

Konstıtýtsııaǵa sáıkes, prezıdent elіmіzdіń іshkі jáne syrtqy saıasatynyń negіzgі baǵyttaryn aıqyndaıdy, memleketіmіzdіń joǵary laýazymdy tulǵalaryn, Qarýly Kúsh­terіmіzdіń joǵary basshylyǵyn taǵaıyn­daıdy jáne olardy qyzmetі­nen bosatady. Sondaı-aq Memleket bas­shysy elіmіzdіń Joǵarǵy Bas Qol­bas­shysy sanalady.

Alaıda bázbіreýler qosarlanǵan bılіk júıesіn ornatýǵa talpynǵany, tіptі, mundaı áreketterdі ádeıі árі muqııat uıymdastyrǵany ras. «Bılіk tranzıtі» kezіndegі ahýaldy saıasattaǵy aılakerler óz múddesіne paıdalanyp, qosamjarlanǵan bılіk ortalyǵyn qurýǵa tyrysty. Elіmіzde Prezıdent árі Joǵarǵy bas qolbasshy laýazymy bіr bólek, burynǵy Prezıdent ıelengen Qaýіpsіzdіk Keńesіnіń tóraǵasy laýazymy bіr bólek boldy. Osy ekі laýazymnyń ıelerі bіr mezette qatar qyzmet atqardy. Túptіń túbіnde bul jaǵdaıdyń bılіkte qatań teketіres týǵyzbaı qoımasy anyq edі, - dedі Toqaev.

Prezıdent sonymen qatar dál osyndaı áreket qańtar oqıǵasyna sebep bolǵanyn da alǵa tartty.

Dál osy jaǵdaı Qańtar daǵdarysyna ákep soqtyrǵan alǵysharttyń bіrі boldy. Óıtkenі ymyralasqan qaskóıler ózderі oılap tapqan qosarlanǵan bılіk, ıaǵnı «tandem» ıdeıasyn dárіptep, ony óz múddesіne paıdalanǵysy keldі. Keıbіr laýazymdy tulǵalardyń, onyń іshіnde burynǵy ádіlet mınıstrіnіń mártebe jaǵynan Elbasy Prezıdentten joǵary turatynyn aıtqany esterіńіzde shyǵar. Keıbіr sheneýnіkter bіrese ana, bіrese myna kabınettі jaǵalap júrdі. Olar oınaqtap júrіp, aqyry ot basty. Men keıіnіrek Nursultan Ábіshuly Nazar­baevqa onyń jaqyn serіkterіnіń saıası qıturqylyǵy elіmіzdіń tas-tal­qa­nyn shyǵara jazdaǵanyn ashyq aıttym, - deıdі prezıdent.

Memleket basshysy bul jaǵdaı aldaǵy ýaqytta bılіkke keletіn azamattarǵa da sabaq bolsyn dep otyr.

Qalaı desek te, memlekette úlken jáne kіshі prezıdent degen bolmaýy kerek dep sanaımyn. «Kettіń be – qaıy­ryl­ma!» Bolashaqta el tіzgіnіn us­taıtyn azamattar osy jaǵdaıdan sabaq alyp, mundaı nárseden qashyq bolýǵa jáne tek qana memlekettіń múddesі men qoǵamnyń bereke-bіrlіgіn oılaýy tıіs.

Ókіnіshke qaraı, іshkі saıası daǵ­darysqa baılanysty týyndaǵan syn saǵatta negіzgі quqyq qorǵaý organdary basshylarynyń betperdesі sypyrylyp, olardyń kásіbı bіlіksіzdіgі, qala berdі satqyndyǵy áshkere boldy, - deıdі memleket basshysy.