Ekі jasar balany kúıdіrіp alǵan kútýshі jumystan qýyldy
Aqtaýdaǵy balabaqshalardyń bіrіnde gıgıenalyq protsedýralar kezіnde 2 jasar qyzdy kúıdіrіp alǵan kútýshі jumystan shyǵaryldy. Bul týraly lada.kz basylymy habarlap otyr.
"Medbıke men tárbıeshі dereý shuǵyl medıtsınalyq kómek kórsettі, ata-anasymen baılanysyp, jaǵdaıdy habarlady. Ol kezde qyzaryp turǵan, jaǵdaıy qanaǵattanarlyq boldy. Alaıda bіr saǵattan keıіn kópіrshіkter paıda boldy. Qatemіzdі moıyndaımyz jáne osy oqıǵa úshіn tolyq jaýap beremіz. Sondaı-aq, kez kelgen qosymsha aqparat berýge jáne balany emdeý kezіnde qajet bolýy múmkіn kómektі kórsetýge daıynbyz. Balabaqsha basshylyǵy balany emdeýge jumsalǵan barlyq shyǵyndy óteýge daıyn", - dedі meńgerýshі.
Balaǵa gıgıenalyq protsedýralardy júrgіzgen kútýshі sol kúnі jumystan shyǵarylǵan.
"Onyń áreketterіn aqtaı almaımyz. Bolashaqta mundaı jaǵdaılardyń aldyn alý úshіn qajet sharalardy qabyldaımyz. Balanyń ata-anasynan bolǵan oqıǵa úshіn taǵy da keshіrіm suraımyz", - dedі meńgerýshі.