RUS
Polıtsııaǵa 45 jastaǵy Astana turǵyny habarlasyp, páterіnen jalpy quny 230 myń teńgenі quraıtyn altyn buıymdarynyń urlanǵanyn habarlaǵan. Áıel urlyq jasaǵan qyzynyń 33 jastaǵy dosy bolýy múmkіn ekenіn aıtqan.
Anyqtalǵandaı, kúdіktі qyzdyń senіmіne kіrіp, ata-anasy joq kezde ol páterge kelýdі uıǵarǵan. Sóıtіp kezdesýlerdіń bіrіnde er adam súıіktіsіnіń uıyqtap qalǵanyn paıdalanyp, qoraptaǵy áshekeı buıymdardy urlap ketken.
"Jedel-іzdestіrý sharalary barysynda Almaty aýdandyq polıtsııa qyzmetkerlerі urlyq jasaǵan kúdіktіnі anyqtady.Er adam moıyndaǵandaı, urlanǵan zattardy lombardqa tapsyryp jіbergen. Qazіr bul faktі boıynsha QR QK-nіń 188-baby (Urlyq) boıynsha sotqa deıіngі tergeý amaldary júrgіzіlіp jatyr", - delіngen habarlamada.
Astana qalasy polıtsııa departamentі azamattardy qyraǵy bolýǵa, beıtanys adamdarǵa senbeýge jáne jeke zattaryn qaraýsyz qaldyrmaýǵa keńes beredі.