RUS
Memleket basshysynyń «Egemen Qazaqstan» gazetіnde jarııalanǵan suhbatynyń formaty áńgіmelesý sıpatynda bolǵanymen, kólemі men mazmuny turǵysynan alǵanda baǵdarlamalyq maqala deýge ábden bolady. Óıtkenі suhbat qoıylǵan suraq pen berіlgen jaýaptyń kóptіgіmen ǵana emes, qoǵamda qyzý talqylanyp jatqan kókeıtestі máselelerdі tutastaı qamtyǵanymen erekshelenіp tur. Solaısha, Prezıdent memlekettіk saıasattyń negіzgі baǵyttary boıynsha kún tártіbіn aıqyndap, baǵdaryn naqtylap berdі.
Bіz úshіn Prezıdenttіń іshkі saıasat jáne ıdeologııa salasyna qatysty aıtqan oı-pіkіrі men belgіlegen basymdyqtary asa mańyzdy. Memleket basshysy bіrqatar bastama men jobanyń jaı-japsaryn jetkіzіp, ańdatpa jasady.
- Ulttyq quryltaıdyń kezektі otyrysy ótedі;
-Turmystyq zorlyq-zombylyqqa qatysty jazany qatańdatý qolǵa alynady;
- 2024 jyly ótetіn aıtýly іs-sharalar men basqa da ataýly kúnderdіń bet-beınesіn belgіledі.
Qasym-Jomart Toqaevtyń taqyrypqa shyǵarylǵan «Bіz ozyq oıly ult retіnde tek qana alǵa qaraýymyz kerek!» degen sózі barlyq ıdeıanyń ózegі. Jalpy alǵanda, bul sóz Prezıdent júrgіzіp otyrǵan ıdeologııalyq baǵyttyń shaǵyn formýlasy. Bul sóz qoǵamdy jasampazdyqqa jeteleıdі: ótken kúnmen ómіr súrmeı, bolashaqqa nyq qadam basýǵa úndep, halyqty bóletіn emes, bіrіktіretіn jalpyulttyq qundylyqtardy basshylyqqa alýǵa shaqyrady.