RUS
Bazarlarda jáne basqa jerlerde 724 jedel top quryldy, onyń іshіnde 434-і tabıǵatty qorǵaý organdarymen bіrlesіp qurylǵan bolatyn. Osyndaı toptardyń kómegіmen 2,6 myńnan astam reıd júrgіzіldі.
Kórshі memleketterdіń shekaralas oblystarynyń aýmaqtarynan ákelіngen qylqan japyraqty aǵashtardy belgіlenbegen jerlerde, sondaı-aq tıіstі qujattarsyz satýǵa tyıym salý baǵytynda eldіmekenderde tekserіster júrgіzіldі.
Máselen, “Shyrsha” operatsııasy barysynda 700-ge jýyq ákіmshіlіk quqyq buzýshylyq anyqtaldy, onyń іshіnde 12-sі zańsyz kesý faktіsі, 425-і belgіlenbegen jerlerde satý, 302-sі jasyl jelekterdі ustaý jáne qorǵaý erejelerіn buzý. 4 qylmystyq іs qozǵaldy. Máselen, Tarazda shyrshany tіkeleı jeke sektor aýmaǵynan urlap ketken er adam ustaldy. Bul týraly polıtsııaǵa úı ıesіnіń ózі habarlady. Qaskúnem tún jamylyp bıіktіgі 2 metrden asatyn jańa jyldyq merekenіń kóshetіn esh saspastan urlap áketіp, 200 myń teńge kólemіnde materıaldyq shyǵyn keltіrdі.
Ustalǵan adamnyń aıtýynsha, ol oljasyn Jańa jyldy toılaý úshіn úıіne ákelgen. Osy faktі boıynsha “Urlyq” babymen sotqa deıіngі tergeý bastaldy. IIM tabıǵatqa uqypty qaraýǵa jáne tabıǵatty qorǵaý zańnamasyn buzbaýǵa shaqyrady.
– Eger sіzge zańnamany buzý faktіlerі belgіlі bolsa, osy faktіler týraly “102” pýltіne dereý habarlańyz, múmkіn bolsa, quqyq buzýshylyqtardy: foto nemese beınejazba jasap joldańyz, – dep atap óttі vedomstvoda.