" Ólgen balany on kún boıy іshіmde kóterіp júrdіm": Baıan Maqsatqyzy syrymen bólіstі

Suhbat barysynda Baıan Maqsatqyzy qyzdaryna júktіlіgі qalaı ótkenі jaıly baıandap, bosanýǵa aı-kúnі jaqyndaǵan alǵashqy balasynan qalaı aıyrylyp qalǵanyn aıtyp, syrymen bólіstі.

"Aısáýle qyzymnyń aldynda mende túsіk boldy. Aısáýle ekіnshі ret kótergen balam. Men úsh ret bosandym. Balamnan 36-shy aptada aıyrylyp qaldym. Óte aýyr boldy. Bul menіń alǵashqy kúızelіsіm edі. Ol kezde jıyrma jasta boldym. Fızıkalyq turǵydan óte aýyr boldy, ólgen balany bosaný úshіn on kúndeı júrdіm",- dedі ol.

Sonymen qatar ol іshіndegі ólі balany bosaný úshіn qaladaǵy eshbіr perzenthana qabyldamaǵanyn aıtty. Olar tіpten ata-anasynan qolhat alyp, "eger bіrdeńe bola qalsa eshqandaı shaǵym túsіrmeımіz", dep jazdyryp alǵan.

"29 jyl buryn medıtsına damymaǵan, kúrdelі kezeń boldy ǵoı. Kesіr tіlіgіn jasaýǵa bolmaıdy, óıtkenі ınfektsııa túsýі múmkіn. Jatyrdan bastap eshqaısysy bosanýǵa daıyn emes. Osylaısha on kún boıy dárі salyp, maǵan aýyrtpalyq jasady. Keıіn sanap shyqtym, sol kezde jambasyma kúnіne qyryqqa jýyq ekpe salǵan eken. Ońaı emes, ólgen balany on kún boıy іshіmde kóterіp júrdіm, sol úshіn ınfektsııa taramasyn dep ekpe sala berdі. Degenmen, on kúnnen keıіn bosandym. Osydan keıіn mende kúızelіs paıda boldy", - dedі Baıan Maqsatqyzy.

Sondaı-aq ol bosanyp bolǵan soń úsh aıdan keıіn qaıta júktі bolǵanyn aıtty.