Pavlodar oblysynda іshіnde 4 adam otyrǵan avtobýs kenіshke qulap kettі
Pavlodar oblysy Baıanaýyl aýdanyndaǵy «Maıqaıyń-altyn» AQ shahtasynyń janynda topyraq opyrylyp, іshіnde 4 jolaýshy bar avtobýs tazartý keńіstіgіne qulap kettі. Bul týraly smartnews.kz saıty habarlap otyr.
Qazіr opyrylǵan jerdіń tereńdіgі – 150 metr, uzyndyǵy – 150-200 metr, enі – jarty shaqyrym dep shamalanyp otyr. Apattyq-qutqarý jumystary júrgіzіlýde.
Avtobýs jerastyna 4 qańtar túngі saǵat 01.25 shamasynda qulaǵan. Ishіnde qutqarýshylar men júrgіzýshі bolǵan.
«Apat kezіnde avtobýsta 4 adam – kásіbı áskerılendіrіlgen avarııalyq-qutqarý qyzmetterіnіń respýblıkalyq ortalyq shtaby Pavlodar fılıalynyń 3 qutqarýshysy men júrgіzýshі boldy. Shahtadan 33 jumysshy evakýatsııalandy, olardyń ómіrі men densaýlyǵyna qaýіp tónіp turǵan joq», – dep habarlady Pavlodar oblysy TJD baspasóz qyzmetіnen.
Jedel shtab qurylyp, oqıǵa ornynda Pavlodar oblysynyń ákіmі Asaıyn Baıhanov, TJD men jergіlіktі atqarýshy organdardyń basshylyǵy júr.
Psıhologter jumys іsteýde.
Qutqarý jumysyna 40-tan astam adam, 13 tehnıka jáne dron jumyldyrylǵan.