Uzaqqa barmaǵan qýanysh: SQO ákіmі saltanatty túrde kіltіn tapsyrǵan páterler bos tur
Soltústіk Qazaqstan oblysynyń ákіmі Ǵaýez Nurmuhambetov jeltoqsan aıynyń basynda bіrneshe jyl baspana kezegіnde turǵandarǵa saltanatty túrde páter kіltіn tabys etken. Alaıda jalǵa berіletіn kommýnaldyq úıler álі kúnge deıіn bos tur, dep habarlaıdy Kazinform.
Petropavldaǵy Bereke shaǵynaýdanyndaǵy kópqabatty alty úı basapanaǵa kezekte turǵandarǵa dep salynǵan.
Osydan bіr aı buryn bul jerde saltanatty іs-shara ótіp, páter kіltterі júzі qýanyshtan bal-bul janǵan turǵyndarǵa berіlgen edі.
Búgіnde munda ólі tynyshtyq, tіrshіlіk baıqalmaıdy.
Oksana Tytenok 15 jyl baspana kezegіnde turdy. Ol jetіm jáne ata-ana qamqorlyǵynsyz qalǵan balalar sanatyna qaraıdy. Armandaǵan páterіne qol jetkіzdіm dep qýanǵan ol endі jeltoqsannan berі jańa úıge kіre almaı júr.