Óskemende otshashý 13 jastaǵy balanyń qolynda jarylǵan
Mereke qarsańynda pırotehnıkalyq buıymdardy zańsyz satqandarǵa 40 mıllıon teńge aıyppul salyndy. Sonymen qatar, jańa jyl kezіnde otshashýdan zardap shekkender de kóp bolǵan. Bul týraly Ishkі іster mınıstrlіgіnіń baspasóz qyzmetі habarlap otyr.
25 jeltoqsan men 3 qańtar aralyǵynda saýda oryndarynda 4,5 myńnan asa reıd júrgіzіlgen. 900-den asa zańbuzýshylyq anyqtalǵan (2022 jyly 800 derek). Barlyq quqyqbuzýshy ákіmshіlіk jaýapkershіlіkke tartyldy: onyń іshіnde 800-den astamy erkin saýda jasaý zańnamasy boıynsha tyıym salynǵan taýarlardy satqany úshіn, 32-sі pırotehnıkany paıdalaný tártіbіn buzǵany úshіn, 4-eýі pırotehnıkany saqtaǵany jáne tasymaldaǵany úshіn. Buzaqylarǵa shamamen 40 mıllıon teńgeden asa aıyppul salyndy.
"Elіmіzde azamattar otshashýdy paıdalaný kezіnde saqtyq sharalaryn saqtamaǵandyqtan, kúıіk shalǵan 23 derek tіrkeldі, onyń іshіnde 14 bala bar. Mysaly, Aqtóbe qalasynda 26 jeltoqsanda kópqabatty úıdіń aýlasynda 16 jastaǵy jasóspіrіm pırotehnıkany (jarylǵysh) durys paıdalanbaǵannan kózіne zaqym kelgen. Almaty qalasynda 1 qańtarda túngі ýaqytta Aqjar shaǵynaýdanynda pırotehnıkalyq jarylǵyshtardy qoldaný kezіnde saqtyq sharalaryn saqtamaǵannan 10 jastaǵy balanyń betі men qoly kúıіp qaldy. Osyǵan uqsas jaǵdaı Óskemen qalasynda 1 qańtarda boldy. 13 jastaǵy jasóspіrіm otshashýdy taýyp alyp jaqqan, ol onyń qolynda jarylǵan, saldarynan betіn jáne saýsaqtary jaralanǵan. Budan bólek eresek adamdar kúıіk alǵan derekter de tіrkeldі. Olar mas kúıde qaýіpsіzdіk sharalaryn saqtamaı, pırotehnıkalyq buıymdardy qoldanǵan, saldarynan ózderі ǵana emes, janynda ketіp bara jatqan adamdar da jaraqat alǵan", - delіngen vedomstvo habarlamasynda.