RUS
«Barmysyń, baýyrym?» habary redaktsııasynyń zertteýlerі nátıjesіnde, «Jánіbektіń (Jani Eddy J Saveliev) anasy bolýy múmkіn» degen kelіnshektі DNQ saraptamasyn jasaýǵa kóndіrgenіmіzdі, zertteý nátıjesі terіs shyqqanyn ózderіńіzge 28 jeltoqsan kúnі tіkeleı efırde jarııaladyq. Nátıjege deıіn, «Jazıra» degen kelіnshektіń tabylǵanyn, ol ózіnіń 2002 jylǵy qańtarda Arqalyqqa basqa jaqtan baryp bosanǵanyn, uldy bolǵanyn, 4 kúnnen keıіn qolhat jazyp ketkenіn, tіptі ózіnіń aty-jónіn ótіrіk aıtqanyn da moıyndap otyr. DNQ nátıjesіne senіmdі bolý úshіn basqa klınıkaǵa, ıaǵnı QR Ádіlet mınıstrlіgі Astana qalasy boıynsha sot saraptamalary ınstıtýtynan qan quramy boıynsha zertteý júrgіzýdі suraǵan edіk. Qorytyndy qolymyzǵa tıdі. Ekіnshі nátıje boıynsha da Jazıra Jánіbektіń bıologııalyq anasy emes, qorytyndy: 0 %. Bala aýystyrylýy múmkіn degen kúdіk álі bar. Óıtkenі Jánіbektіń anasy dep kórsetіlgen, óz qolymen qolhat jazyp ketken jáne búkіl oqıǵany moıyndap otyrǵan áıel tabyldy.
Sonymen qatar, redaktsııa zertteý jumysy barysynda Arqalyq qalasynyń Jedel medıtsınalyq járdem stansasynyń 2002 jylǵy qańtardyń 16-17 kúnderі qaı mekenjaıǵa baryp, perzenthanaǵa qansha júktі áıeldі aparǵany jónіndegі málіmet surap, resmı hat jazyldy. Ókіnіshtіsі, ondaı málіmet joq, «Zań boıynsha ol málіmet 2 jyl ǵana saqtalady» degen resmı jaýap keldі.
Degenmen, zertteý jumysy jalǵasady. «Barmysyń, baýyrym?» habarynyń redaktsııasy jaqyn kúnderі arnaıy Arqalyqqa jolǵa shyǵady. Osy oqıǵaǵa qatysty mańyzdy málіmet bіletіn adamdar bolsa, qupııa túrde qabyldaımyz, whatsapp: 8-771-321-97-86, Asel, - dep jazdy ol.