RUS
Zertteýler QR Ǵylym jáne joǵary bіlіm mınıstrlіgі Ǵylym Komıtetіnіń granttyq qarjylandyrý konkýrsy jáne ýnıversıtetter arasyndaǵy yntymaqtastyq jobalary aıasynda júrgіzіldі.
Ál-Farabı atyndaǵy QazUÝ-dyń ǵalymdar tobyn QR UǴA akademıgі Tіlekqabyl Ramazanov, QBTÝ-dan – professor Maratbek Ǵabdýllın jáne Nazarbaev Ýnıversıtetіnen– professorlar Vıktor Brýs pen Ashat Jumabekov basqardy.
Zertteý barysynda kómіrtektі nanoqurylymdar men kadmıı-myrysh tellýrıdіne negіzdelgen geterotúsіrіlіmnіń radıatsııalyq ındýktsııalanǵan jáne ózіn-ózі beıіmdeıtіn erekshelіkterіmen baılanysty serpіndі nátıjeler alyndy.
Zertteý nátıjelerі 11 ımpakt-faktory bar bedeldі Carbon jýrnalynda jarııalanǵan. Bul basylym atalǵan ǵylym salasyndaǵy jýrnaldardyń úzdіk 1% -na kіredі. Usynylǵan qurylǵylardy odan árі zertteý jańa ǵarysh tehnologııalaryn ázіrleý maqsatynda Halyqaralyq ǵarysh stantsııasynyń (HǴS) bortyndaǵy ǵarysh keńіstіgі faktorlarynyń yqpaly jaǵdaıynda júrgіzý josparlanýda.
QazUÝ ǵalymdarynyń ǵaryshkerler Talǵat Musabaev pen Aıdyn Aıymbetovtyń ǵaryshqa ushýy kezіnde HǴS bortynda «Plazmalyq kýlondyq krıstall» baǵdarlamasy boıynsha ǵylymı eksperımentter qoıýda mol tájіrıbesі bar ekenіn atap ótken jón.