RUS
Smart News basylymynyń habarlaýynsha, Jetіsý oblysynda 35 jastaǵy 4 balanyń anasy ákіmmen kezdesýden keıіn óz-ózіne qol jumsady degen aqparat tarady. Baljan Ózbekovany 28 jeltoqsan kúnі qurbysy jergіlіktі aýrýhanaǵa jetkіzgen. Bul týraly KYN.KZ jazdy.
Aqsý aýdandyq aýrýhanasynda áıel bіreýіnde 10 danasy bar aspırınnen 10 qorabyn jegenіn aıtqan. Bіr kún ótkennen keıіn ol qaıtys bolyp kettі.
Áıel tórt balany dúnıege ákelіp, baǵyp otyrǵan. Kenjesі emіzіýlі edі. Al balalardyń ákesі Almatyda qurylysshy bolyp jumys іstegen. Qaraly habardan keıіn úıіne qaıtty.
Baljannyń qurbysy Elmıra Qusmanova marqum jaıly jyly estelіkterіmen bólіsіp, qurbysynyń óte aqkóńіl bolǵanyn aıtýda. Baljan ómіrde eńbekqor, ózі sııaqty kópbalaly analarǵa qoldan kelgenshe kómek berýge daıyn turatyn deıdі.
"28 jeltoqsan kúnі keshkі 17:00 shamasynda maǵan qońyraý shalyp, jylap turyp Aqsý aýdany ákіmіmen kezdesіp shyqqanyn aıtty. Ony ákіm ákіmdіkten qýyp salypty. Ol ashýǵa býlyqqany sonsha dіrіldep turyp, aıta alǵany mamandarmen kúresіp sharshaǵanyn, aryzqoılar men sheneýnіkterden sharshaǵanyn aıtty. Dárі іshіp alǵanyn, mundaı aýyr ómіrden sharshaǵanyn aıtty. Men bіrden úıіme shaqyrdym", - deıdі Elmıra Qusmanova.
Al marqumnyń enesі bolsa ákіm kelіnіn qutqarýdyń ornyna úılerіne polıtsııa jіberіp, berekelerіn qashyrdy dep otyr.
"Ákіm onyń dárі іshіp alǵanyn bіletіn edі, eger ony tyńdaǵan bolǵanda. Onyń ornyna kelіnіmdі kabınetіnen qýyp, úıіmіzge polıtsııa jіbergen. Polıtseıler úıge kelіp, kelіnіmnіń ákіmdі balaǵattap, ar-namysyna tıgenіn aıtty. Baljannyń úıde joǵyn bіlgennen keıіn, ketіp qaldy", - deıdі marqumnyń enesі Nazgúl Álіmbek.
Al Aqsý aýdany ákіmі Berіk Tynyshbaev Baljannyń ólіmіne qatysy joǵyn aıtyp aqtalýda.
"Ol kabınetіme kіrіp kelіp, dárіnіń bos qaǵazdaryn stolyma tarsyldatyp qoıdy. Ólgіsі keletіnіn aıtty. Aýzyna kelgendі aıtyp, esіktі tars jaýyp shyǵyp kettі. Men polıtsııa shaqyryp, ony tabýdy suradym. Senbeseńіzder búkіl jaǵdaı kamerada jazylyp qaldy. Sol jerden kórýshge bolady", - deıdі ákіm.
Bіraq ákіm ózіne qol jumsaǵysy keletіnіn aıtqan áıelmen nege durys sóılespegenіn túsіndіrmeıdі. Al Baljannyń on aılyq balasy Aıbol 5 kún ana sútіn іshpeı aýyryp qalǵan. Qazіr balalar aýrýhanasynda jatyr.