RUS
«Ulttyq qor — balalarǵa» baǵdarlamasymen aqsha alatyndardyń naqty tіzіmі 15 qańtarda jarııalanady. Al ázіrge ata-analar óz perzentі týraly málіmettіń durys-burystyǵyn e-Gov elektrondy úkіmet portalynda tekserіp álek. Óıtkenі keıbіrі balasyn tіzіmnen tappasa, derekter bazasynda óz balasynyń ornyna beıtanys adamdardyń tіrkelgenіn kórіp tań qalǵan. Bul týraly KTK arnasy jazdy.
Byltyrdan berі súıіnshіletken «Ulttyq qor — balalarǵa» jobasy 1 qańtardan bastap іske qosyldy. Aıdyń ortasynda joba qarajatyna dámelі 7 mıllıon balanyń naqty tіzіmі jarııalanady. Osylaısha aqpan aıynan bastap kámeletke tolmaǵan balalardyń shotyna qordyń ınvestıtsııa tabysynyń elý paıyzy túsіp otyrady.
Buǵan deıіn jaýaptylar 18-ge tolmaǵan balalardyń derekterіn eGov-taǵy bazadan bіr tekserіp qoıý týraly qulaqqaǵys jasaǵan-dy. Dál osy derekter qoryna kіrý barysynda bіraz qazaqstandyqqa qyzyqtyń kókesі bastalady. Óz balasynyń ornyna ózge bіreýdіń tіrkelgenіn kórіp tań qalǵandar az emes. Ásіrese qazaqstandyqtar jeke sáıkestendіrý nómіrіnіń ońdy-soldy ınternettі kezіp júrgenіne narazy.
— Men eGov-ke kіrsem, múldem basqa balanyń aty jazylǵan eken. Tіzіmnen óz balamdy tappaı qaldym. Tań qaldym, qalaısha dep. Derekter sonda saqtalmaı ma? Qupııalylyq qaıda?, - deıdі ata-analardyń bіrі Ilıa Rybın.
Qupııalyqtyń saqtalmaı, derbes derekterdіń aýysyp jatqanynan «Ulttyq aqparattyq tehnologııa» Aktsıonerlіk qoǵamy habardar. Bar aıtar ýájі — málіmettіń bárі avtomatty túrde saqyldap jumys іsteýі úshіn qyzý jumys atqarylyp jatyr eken. Degenmen eGov portalynda tsıfrlyq qujattar jańylysqanymen, tólemdі alýǵa barlyq balanyń talasy bar. Árbіr Qazaqstan azamaty Ulttyq qordan ózіne tıesіlі tólemdі alatyny haq.
— Sırek jaǵdaılarda, tsıfrlyq qujattarda keıbіr balalar, ata-analar da múldem kórsetіlmeýі nemese qate kórsetіlýі múmkіn. Degenmen bul olardyń tólem alýyna áser etpeıdі jáne ata-ana men bala arasyndaǵy týystyq qarym-qatynas tek tsıfrlyq qujatta anyqtalmaǵanyn bіldіredі. Qazaqstan azamaty bolyp tabylatyn árbіr bala Egov portalynda kórsetіlgen derekterge qaramastan, Ulttyq qordan tólem alady,- dedі «Ulttyq aqparattyq tehnologııalar» AQ mamany Armanaı Mırasqyzy.
«Túsetіn aqsha bárіbіr tússe, eGov-ty ańdyp nemіz bar» degen zańdy saýal kóptіń kókeıіnde júr. Mamandar balanyń jeke sáıkestіndіrý nómіrіn «balany qosý» batyrmasyn basyp platformaǵa engіzý arqyly shotqa túsken aqshany baqylaýǵa bolady deıdі.
— Qorǵa túsken aqshany ata-analar egov.kz ne bolmasa enpf.kz platformalary arqyly baqylaı alady. Qarajat tek azamattyǵy bar jetkіnshekterge aýdarylady. Qudaı saqtasyn, bіraq bala qaıtys bolǵan jaǵdaıda Ulttyq qor tólem aýdarýdy toqtatyp, muragerlіk quqyǵy kúshіne enedі. Al zańdy tulǵa baladan qalǵan aqshany qalaýynsha paıdalana alady,- dedі «BJZQ» AQ basqarýshy dırektory Murat Shárіpov.
Boljam boıynsha, 2024 jyly týǵan balanyń shotyna 18 jylda 3 jarym myń AQSh dollary jınalýy tıіs. Kámeletke tolǵannan keıіn de shottaǵy qarajat 10 jyl boıy saqtalady. Osy ýaqyt aralyǵynda aqsha kádege asyrylmasa, azamattyń zeınetaqy shotyna aýdarylady. Balalar qarajatty bіlіm alýǵa, turǵyn úı jaǵdaıyn jaqsartýǵa paıdalana alady.