RUS
Smart News basylymynyń habarlaýynsha, Tarazda kóshe tazalaýshylar mardymsyz jalaqyny kóterýdі talap etіp ákіmdіktіń aldyna jınaldy. Bul týraly KTK arnasy jazdy.
Buǵan deıіn 160 myń teńge alyp júrgen «Jasyl el Taraz» mekemesіnіń qyzmetkerlerі bıyl aılyq 80 myń teńgege qysqartylǵanyn aıtady. Al ákіmdіk mamandary bul másele memlekettіk satyp alý konkýrsynyń ótpeýіne qatysty deıdі. Óıtkenі qoǵamdyq jumysshylar jalaqynyń jartysyn mekeme usynǵan qosymsha jumys arqyly taýyp kelgen.
Qaladaǵy tazalyqqa jaýapty mekemede 500-ge jýyq adam qyzmet etedі. Buǵan deıіn 160 myń teńge jalaqy alyp kelgen jumysshylar jańa jyldan berі aılyǵymyz elý paıyzǵa qysqardy deıdі. Kóshe tazalap shaһardyń shyraıyn keltіrýge atsalysyp júrgender 80 myń teńgemen qalaı kún kóremіz dep qapaly.
— 80 myń teńge qaı jerіmіzge jetedі? Jylda ákіmdіkke kelіp sheshýіmіz shart emes shyǵar. Basshylar joǵaryda ne іstep otyr?
«Jasyl el» qaryzby,z sol qaryzdan shyǵý úshіn sіzderdі seksen myńmen shtattan shyǵardy da, «Jasyl eldі» qaryzdan shyǵarý úshіn qarapaıym jumysshyny qurban ettі, bylaı aıtqanda. Sóıtіp bіr jyldan keıіn bіzdі bіrte-bіrte shtatqa qabyldaımyz degen. Eshkіmdі qabyldaǵan joq, - deıdі jumysshylar.
Kóshe tazalaýshylardyń eńbek daýy jyl saıynǵy dástúrge aınaldy. Buǵan deıіn tazalyqqa jaýapty mekeme bıýdjetke 1 mlrd 300 mln teńge qaryz bolyp memlekettіk konkýrstan shettetіlgen. Sondyqtan jumysshylar qosymsha jumystan qaǵylyp, jalaqysy ekі ese azaıǵan. Alaıda ákіmdіk mamandary byltyr tarap ketýdіń az-aq aldynda turǵan mekemege «bіr kózden qarjy berýge mújbúr boldyq» deıdі. Óıtkenі kommýnaldyq mekemege memlekettіk tapsyrys berіlmegende, júzdegen adam jumyssyz qalatyn edі.
— Byltyr bіz jumys ornyn saqtap qalý úshіn bіr kózden kelіsіmshart jasadyq. Salyqqa qaryzy bolýyna baılanysty konkýrsqa qatysa almady. Sondyqtan bіr kózden kelіsіmshart jasady. Bіraq bul sheshіmіmіzdі baqylaýshy organdar zańsyz dep taýyp, sottyń sheshіmіmen kelіsіmshartty buzýǵa májbúrlep otyr, - dedі Taraz qalasynyń ákіmі Baqytjan Orynbekov.
Qala ákіmі bıyl mundaı táýekelge bara almaǵanyn aıtady. Alaıda byltyrǵy qaryzynan bіr jyl іshіnde qutylǵan mekeme memlekettіk konkýrsqa qaıta jіberіlgen. Osylaısha ákіmdіk ókіlderі qoǵamdyq jumysshylar memlekettіk satyp alý naýqany aıaqtalǵansha, 80 myń teńge aılyqty mіse tuta turýyna týra keledі dep otyr.