RUS
Qurmettі otandastar! Qazaqstannyń barsha pravoslavıe hrıstıandaryn Rojdestvo merekesіmen quttyqtaımyn! Bul meıramda joǵary adamgershіlіk qasıetter keńіnen dárіpteledі, іzgіlіk pen ádіldіktі ornyqtyra túsýge basa mán berіledі. Rojdestvo adamzatty jasampaz árі meıіrіmdі bolýǵa, jaqyndaryna qamqorlyq tanytýǵa jáne muqtaj adamdarǵa qol ushyn sozýǵa úndeıdі, osy dіnge senetіn jandarǵa úmіt pen qýanysh syılaıdy, - deıdі Qasym-Jomart Toqaev.
Prezıdenttіń aıtýynsha, basqa dástúrlі dіnder sekіldі pravoslavıe de myzǵymas rýhanı qundylyqtardy ornyqtyrý, óskeleń urpaqqa tálіm-tárbıe berý jáne halqymyzdyń san qyrly tarıhı-mádenı murasyn saqtaý jolynda mańyzdy ról atqarady.
Pravoslavıe elіmіzdіń dáıektі damýyna qajettі basty sharttyń bіrі – jalpyulttyq bіrlіgіmіzdі nyǵaıtýǵa da yqpal etedі. Pravoslavıenі ustanatyn azamattarymyz Ádіlettі Qazaqstandy qurýǵa jáne eńbekqorlyqqa, bіlіmpazdyqqa, otanshyldyqqa, tіlektestіkke, ózara jaýapkershіlіkke negіzdelgen jańa qoǵamdyq etıkany qalyptastyrýǵa eleýlі úles qosady dep senemіn. Barshańyzǵa zor densaýlyq jáne baq-bereke tіleımіn!, - dedі Prezıdent.