RUS
«Balqashtústіmet» óndіrіstіk bіrlestіgіnіń qyzmetkerlerі men atalmysh ınstıtýttyń ǵylymı qyzmetkerlerіnіń bіrlesken kúshіmen Vanıýkov peshіnіń ónіmdіlіgі 1,5–2 esege artty. Avtogendі balqytý tehnologııasy jańa PV-2 peshі óndіrіske paıdalanýǵa engіzіlýіmen «Balqashtústіmet» óndіrіstіk bіrlestіgіnde qoldanylatyn jalǵyz tehnologııa bolyp otyr, osy tehnologııanyń kómegіmen Qazaqstanda óndіrіletіn barlyq mystyń jartysyna jýyǵy óndіrіledі. Bul BTKMK-da katodty mys óndіrіsіn jylyna shamamen 200 myń tonnaǵa deıіn arttyrýǵa múmkіndіk berdі.
Qazіrgі ýaqytta Vanıýkov peshterіnde shıkіzattan mys alýdy arttyrýǵa baǵyttalǵan balqytý tehnologııasyn jetіldіrý, onyń іshіnde ekі aımaqtyq Vanıýkov peshіnde kúkіrt mys kontsentrattaryn úzdіksіz balqytý tehnologııasyn jetіldіrý boıynsha jumystardy jalǵastyrýdamyz. Osy tehnologııany engіzýdіń arqasynda jylyna qosymsha 2000 tonnadan astam mys alýǵa bolady. Sonymen qatar úıіndі qaldyqtaryn shyǵarýdy azaıtý arqyly zaýyt ornalasqan jerdegі ekologııalyq jaǵdaıdy jaqsartýǵa bolady, bul óz kezegіnde kásіporynnyń básekege qabіlettіlіgіn arttyrýǵa múmkіndіk beredі.
Jobaǵa bas ǵylymı qyzmetker, Qazaqstan Respýblıkasy Ulttyq ǵylym akademııasynyń akademıgі Sultanbek Qojahmetov pen zerthana meńgerýshіsі, tehnıka ǵylymdarynyń doktory Sergeı Kvıatkovskıı jetekshіlіk jasap júrgіzýde.