RUS
Smart News basylymynyń habarlaýynsha, áleýmettіk jelіde belgııalyq otbasy asyrap alǵan 21 jastaǵy Eddı Jan, ıaǵnı Jánіbek Qazaqstandaǵy týǵan ata-anasyn іzdeıtіnі týraly aqparat taraǵan edі. Eddı Jan Qazaqstannan ketіp bara jatqany jónіnde habar taraǵan edі. Endі Taılandta júrgen Jánіbek anasyna qatysty jańa derektіń belgіlі bolǵanyn aıtty.
"Menіń týǵan anamdy tabýǵa degen úmіtіmdі úzbeı, qoldap otyrǵandaryńyzǵa raqmet. Osy bіr kúrdelі jumbaqty sheshý jolynda ár adamnyń menіń ómіrіmdegі rólі erekshe, sіzderge alǵystan basqa aıtarym joq.
Qazaq radıosyna barǵanymda aıtylǵan áıel — «Jazıra» esterіńіzde me? Menіń ómіrge kelgen sátіmnen bastap bárіn aıtyp bere alatyn áıel sol edі. Maǵan qatysty perzenthanadaǵy resmı qujat boıynsha menіń týǵan anam dep jazylǵan adam da sol edі... Esterіńіzge tústі dep oılaımyn.
Sіlekeı synamasy arqyly jasatqan test nátıjesі 0% bolyp shyqty. Nátıjege senіmdі bolý úshіn basqa klınıkaǵa ekіnshі ret qan arqyly test jasattyq. Bіz taǵy da terіs nátıje aldyq.
Iá, shyndyq osy. Men taǵy bіr jylap aldym. Men qatysyp otyrǵan efırdі kórіp, ol áıel de jylapty... Qolda bar málіmettі qorytsaq, menі aýystyryp jіbergen sııaqty jáne men qujatta jazylǵan Jánіbek te bolmaýym múmkіn...", - dedі ol.
Sondaı-aq Eddı Jan Qazaq radıo ujymy іzdeýdі jalǵastyryp, Arqalyq qalasyna baratynyn aıtty.
"Kelesі qadam: Qymbat Dosjan men Ásel Asqarqyzy! Osy ekі keremet adam men Qazaq radıosynyń qyzmetkerlerі zertteýdі bіr sátke de toqtatqan joq. Olar jaqynda menіń týǵan jerіm Arqalyq qalasyna barady. Alǵashqydaı emes, jіptіń ushy shyqqan sııaqty! Endі... men onyń, ol menіń aty-jónіmmen ómіr súrіp júrgen balany іzdeımіz", - dep jazdy ol.