Oraldaǵy jarylys: dámhanany jalǵa alǵan kásіpker qamaýǵa alyndy
Oral qalasyndaǵy jarylys pen órt bolǵan dámhanany jalǵa alǵan kásіpker qamaýǵa alyndy. Bul týraly Oblystyq prokýratýranyń baspasóz qyzmetі habarlap otyr.
Kásіpkerge ekі jáne odan da kóp adamnyń ólіmіne ákep soqtyrǵan órt qaýіpsіzdіgі erejelerіn buzdy degen aıyp taǵylyp, sotqa deıіngі tergeý bastaldy. Ol ýaqytsha ustaý ızolıatoryna qamaldy. Qazіr jedel tergeý toby qajettі saraptamalardy taǵaıyndap, tergeý amaldaryn júrgіzýde.
Eske sala keteıіk, tórt kún buryn Oralda dámhanada gaz qospasy jarylyp, ǵımarat órtengen bolatyn. Saldarynan úsh adam qaza taýyp, 6 adam jaraqattandy.