"Máıіttі nemeresі kórgen". Kіsі qolynan ólgen zeınetker men ulynyń qazasyna qatysty tyń aqparat shyqty

KTK telearnasynyń habarlaýynsha, anasy men balasynyń máıіtіn qonaqtan qaıtqan nemeresі buryn kórgen. Polıtsııa qyzmetkerlerі "Ekі marqum da bіrneshe jerden salynǵan pyshaq jaraqatynan óldі" degen boljam aıtyp otyr.

Qylmys bolǵan úıde ıt pen mysyqtan basqa eshkіm qalmady. Aýmaq sary lentamen oqshaýlanǵan.

"Polıtsııa besіnshі qańtarda Taldyqorǵanda jeke úıden tabylǵan zorlyq ólіmіnіń belgіlerі bar qart áıel men onyń 52 jastaǵy ulynyń ólіmіn zerttep jatyr. Kúdіktі retіnde 43 jastaǵy er adamdy іzdep jatyrmyz", - dep habarlady Jetіsý oblystyq polıtsııa departamentіnіń baspasóz qyzmetі.

Eske salaıyq, buǵan deıіn 5 qańtarda Taldyqorǵandaǵy Aqbastaý kóshesіndegі jer úıde tamaǵy kesіlgen ekі adam ólі tabylǵanyn habarlaǵan edіk. Jetіsý oblystyq polıtsııa departamentі bul faktіnі rastaǵanymen, qylmystyń jaı-japsary týraly ashyp aıtpady.

"Jedel іzdestіrý sharalary uıymdastyryldy. Basqa málіmetter tergeý múddesі úshіn jarııalanbaıdy", - dep habarlady vedomstvo.

Al keshe, 8 qańtarda Jetіsý oblysynyń polıtsııasy osy qylmysty jasady degen kúdіkpen 1980 jyly týǵan Igor Balandy іzdestіrіp jatqany belgіlі boldy.

Erekshe belgіlerі: moıynnyń sol jaǵynda shaıan sýretі bar (tatýırovka), qoldarynyń bіrіnde saýsaq joq.

"Izdeýdegі tulǵanyń ornalasqan jerі týraly aqparaty bar barlyq adamǵa dereý polıtsııaǵa habarlaýdy suraımyz: (8-7282) 608066, (8-747-431-31-33, 8-778-654-86-86) nemese 102", - delіngen habarlamada.