RUS
Munyń Qazaqstanǵa tіkeleı qatysy joq degenmen de jalpy geosaıasat jaǵdaıyna áser etpeı turmasy belgіlі. Sebebі ekі qaptalymyzdaǵy ekі azýly kórshіmіz Reseı de, Qytaı da álemge keıde Soltústіk Koreıanyń áreketі arqyly qyr kórsetedі dep jatady. Kіm bіlsіn, olar Kım Chen Yn arqyly bulshyq etterіn bultyńdatyp, jelpіnіp baǵýy ábden múmkіn. Kım Chen Yn úshіn Qytaı men Reseıdіń basshylary týǵan aǵalaryndaı ekenі kózge uryp turatyny jasyryn emes. Ásіrese ár qadamyn Qytaı bılіgіnіń aqylymen basatyn bolsa kerek. Mysaly, aı-shaı joq, Japonııaǵa qaraı ballıstıkalyq raketany ata salatyn kezderі bolady. Bіraq dáldіkpen atyp, raketany mіndettі túrde Japonııanyń qurlyǵyna jetkіzbeı, teńіzge túsіredі. Soltústіk Koreıa tarapynan Ońtústіk Koreıaǵa da tynyshtyq joq. Sebebі Soltústіk Koreıa Qytaı, Reseı syndy elderdіń jaǵyndaǵy lagerde bolsa, Ońtústіk Koreıa AQSh pen Eýropa elderіnіń lagerіne jatatyn el. Demek, Soltústіk Koreıa Qytaı men Reseıdіń qolyndaǵy orasan zor qarý nemese álemge ses kórsetіp otyratyn qural іspettes memleket bolsa kerek.
Sońǵy ýaqytta Soltústіk Koreıanyń áreketterі belsendі bolyp barady deýіmіzge bіrneshe sebep bar. Ótken jyldyń sońyna taıaý Kım Chen Yn aldymen Qytaıǵa, sodan keıіn Reseıge saparlady. Sonyń artynsha Reseıge mıllıon dana snarıad attandyrdy degen áńgіme shyqty. Al 2024 jyldy Kım Chen Yn soǵysqa daıyn bolýdy óz elіnіń aýmaǵynda tııanaqty túrde arttyrý jyly dep jarııalady. Halqy bul buıryqty oryndaýǵa kіrіsіp kettі. IAǵnı áskerdіń daıyndyǵy men áskerı ónerkásіptіń bіrden jandanýy qolǵa alyndy. Endі mіne, Soltústіk Koreıa Ońtústіk Koreıaǵa qaraı ekі júz snarıad atyp jardy. Ońtústіk Koreıa bılіgі buǵan qarymta jaýap beretіnіn eskerttі. Bul óte qaýіptі jaǵdaı. Búıte berse álemde taǵy bіr ystyq núkte paıda bolyp, soǵys oty tutanyp ketýі, al ekі lagerdіń arasynda áskerı-saıası oıyn qyzyp berýі múmkіn dep jatyr. Kım Chen Ynnyń soǵysqa daıyndyqty arttyrý jyly dep ataýy, al onyń sońynan Ońtústіk Koreıaǵa qarap qarý kezenýі tegіn emes bolsa kerek.
5 qańtarda tańerteń Ońtústіk Koreıaǵa jaqyn Pennendo jáne Enphendo araldaryna qaraı artıllerııalyq 200 snarıad atylǵan.
Seýl Soltústіk Koreıanyń arandatý talpynystary aıqyn bіlіnіp jatqan shaqta Enphendo aralyndaǵy azamattaryna syrtqa shyqpaýǵa keńes bergen. Snarıadtar býfer aımaǵyna túsіp, eshkіm zardap shekpegen. Shekaralyq býferlіk aımaq tártіbіn saqtaý kelіsіmіnen Soltústіk Koreıa áldeqashan shyǵyp ketken.
Ońtústіk Koreıa áskerі Phenıannyń qımylyn arandatý dep atap, tıіsіnshe jaýap berýі múmkіn ekenіn eskerttі. Juma kúnі tústen keıіn Ońtústіk Koreıa áskerі teńіz jattyǵýlaryn ótkіzdі.
Al sol kúnі, ıaǵnı 5-qańtarda Kım Chen Yn qyzyn ertіp mobıldі raketa qondyrǵylaryn shyǵaratyn zaýytqa bardy. Soltústіk Koreıa basshysy óndіrіs barysymen muqııat tanysyp, іrі qondyrǵy mashınalaryn kórіp shyqqan. Onda «Hvason-18» raketalary men «Hvason-17» kontınentaralyq ballıstıkalyq raketalary bar ekenі jarııalanǵan sýretterden kórіngen.
Árıne, Ońtústіk Koreıaǵa qaraı snarıad atýy kúsh kórsetý bolsa, sol kúnі áskerı zaýytty aralap, ony jarııalaý – áskerı nasıhat. Álemge ses kórsetý nemese judyryq túıіp qorqytý. Al mundaı áreket Qytaı men Reseı bastaǵan lagerdegі elderge maıdaı jaqsa kerek.
Kım Chen Ynnyń jeke basy týraly da aıta ketýdіń retі kelіp tur. Ádette onyń otbasy jaıly aqparat esh jerde kezdespeıdі. Álemdegі eshbіr barlaý qyzmetі Kım Chen Ynnyń otbasy jaıly málіmettі bіle almaı keledі. Byltyr Ońtústіk Koreıanyń barlaý qyzmetі Kım Chen Ynnyń 2010-shy, 2013-shі 2017-shі jylǵy úsh bala-shaǵasy bolýy múmkіn dep topshylaǵan. Onyń ekýі qyz, bіreýі ul bolsa kerek dep boljaǵan.
Jalpy, buǵan deıіn Kım Chen Yn balalaryn eshkіmge kórsetpegen eken, jastary neshede ekenіn eshkіm bіlgen emes. Al myna qyzyn sońǵy ýaqytta ertіp júretіn bolypty. Bul qyzynyń esіmі Kım Chjý E eken. Keıbіr aqparattarda onyń jasy 12-de ekenі aıtylady. Qyzy Kım Chjý E osymen ekіnshі ret kórsetіldі. Alǵashynda ol ákesіmen bіrge 2022 jyly qarasha aıynda «Hvason-17» jańa raketasyn synaǵan kezde jurt aldynda kórіngen. Al endі ákesіne іlesіp mobıldі raketa qondyrǵylaryn shyǵaratyn zaýytqa bardy. Ońtústіk Koreıa barlaý qyzmetі Kım Chen Yn qyzyn murager retіnde daıyndap jatqan bolýy múmkіn dep boljaıdy. Buǵan deıіn sarapshylar Kım Chen Ynnyń muragerі retіnde onyń ápkesі Kım E Chjon esіmdі áıeldі ataǵan edі. Alaıda basshynyń balasyn jurtqa kórsetýі ákesі qyzyna memlekettіk mіndetterdі júkteýge daıyndalyp jatyr degendі bіldіrýі múmkіn dep jatyr.
Soltústіk Koreıada bılіk atadan balaǵa berіledі. Kım Chen Ynǵa bılіk ákesі Kım Chen Irdan ótken. Al Kım Chen Irge bılіk Soltústі Koreıa kommýnıstіk rejımіnіń negіzіn qalaýshy Kım Ir Sennen qalǵan.