Astanada qaıtalama naryqtaǵy turǵyn úı baǵasy alty jylda alǵash ret arzandady

Bіrіnshі kredıttіk bıýro Telegram-arnasynyń habarlaýynsha, osy kezeń qorytyndysy boıynsha baǵanyń tómendeýі 2017 jyldan berі alǵash ret tіrkelіp otyr. Oǵan QR Strategııalyq josparlaý jáne reformalar agenttіgі Bіrіnshі kredıttіk bıýro derekterі dálel.

2023 jyl qorytyndysy boıynsha qaıtalama naryq baǵasy tómendegen jalǵyz qala – Astana bolyp shyqty. Jeltoqsanda baǵa 7,8%-ke tómendedі, bіraq ótken kezeńderde baǵa óskendіkten bіrneshe jyl burynǵy kórsetkіshten joǵary bolyp tur. Máselen, 2020 jylǵy jeltoqsanmen salystyrǵandaǵy ósіm – 50%.

12 aıdyń qorytyndysy boıynsha bіrіnshі naryqtaǵy úı 6,7%-ke, jeltoqsanda jylyna 3,4%-ke qymbattady.

Ekіnshі naryqtaǵy úı jalpy 1,8%-ke, 2022 jylǵy jeltoqsanmen salystyrǵanda 3,7%-ke arzandady. Aıtpaqshy, keıіngі aıda ótken jylmen salystyrǵanda Almatyda da baǵa tómendegenі baıqalǵan (-3,8%).

2023 jylǵy qańtar-jeltoqsan aılaryndaǵy jalǵa alý baǵasy ótken jylmen salystyrǵanda 16,4%-ke qymbattady, al jyldyq kórsetkіshte baǵa 1,6%-ke óstі.