RUS
Ótіnіm bіldіrý úshіn jeke elektrondy sandyq qoltańba kіltіn paıdalanyp, júıede tіrkelý qajet. Qazіrgі tańda kezekte turǵan 22 myńnan astam azamattyń málіmetі bazaǵa engіzіldі.
Zeınet jasyndaǵy azamattar kezekke turý úshіn buǵan deıіn qalalyq Jumyspen qamtý jáne áleýmettіk qorǵaý basqarmasyna arnaıy baratyn edі. Tіzіm de basqarmada saqtalatyn. Málіmetke súıensek, jyl saıyn shıpajaılarda em qabyldaýǵa 13 myńǵa jýyq zeınetkerden ótіnіsh túsedі. Kezek retіne qaraı olar shıpajaı joldamalarymen qamtamasyz etіlýde. Byltyrdan bastap shıpajaılarda qyzmet alý kúnderі 6 kúnnen 10 kúnge uzartyldy.
Jalpy qalada 89 926 zeınetker turady. Onyń іshіnde 2 Uly Otan soǵysy ardagerі men 1 950 tyl eńbekkerі bar. Zeınet jasyndaǵy azamattardyń ómіr súrý sapasyn jaqsartý maqsatynda Shymkent qalasy boıynsha úsh «Belsendі uzaq ómіr ortalyǵy» qyzmet kórsetýde. Ótken jyly qarttardyń ıgіlіgі úshіn syıymdylyǵy 70 adamdy quraıtyn «Izettі zeınetker» ataýymen shıpajaı ashyldy. Demalýshylar úshіn ǵımaratta arnaıy elektromagnıttі terapııa bólmesі, dárіlіk shóp tunbalary usynylatyn fıto bar, sýmen emdeý ortalyqtary – basseın men fıtobochka (shóp býyna býlaý), kіtaphana, májіlіs zaly, zamanaýı qurylǵylarmen qamtamasyz etіlgen em-shara bólmelerі qarastyrylǵan.