RUS
Qalalyq sottyń baspasóz qyzmetіnіń málіmetіnshe, sot úkіmі boıynsha Sh. aldyn ala sóz baılasý arqyly paıdakúnemdіk nıetpen kіsі óltіrýge daıyndyqty uıymdastyrǵany úshіn 10 jylǵa, al N. kómek kórsetkenі úshіn 7 jyl 6 aıǵa bas bostandyǵynan aıyryldy.
"Sot Sh. N.-ǵa jubaıynyń ápkesіn 10 mıllıon teńgege óltіrýge tapsyrys bergenіn anyqtady. Sebebі ol ózіne saqtaý úshіn qaldyrylǵan aqshany jumsap qoıǵan. Al N. ózіnіń tanysy V.-ǵa kіsі óltіrýdі usyndy. Alaıda V. bul týraly polıtsııaǵa habarlady. Polıtsııa tapsyrys berýshі men kіsі óltіrýshіnі ustaý maqsatynda jábіrlenýshіnіń ólіmіn ımıtatsııalap, sottalǵandardy ustady", – dep jazylǵan sot málіmetіnde.
Qorǵaýshy tarap apellıatsııalyq shaǵymdarynda úkіmmen kelіspeı, Sh. men N. jábіrlenýshіnі óltіrýge emes, onyń aqsha týraly bіraz ýaqytqa umytýyn kózdep, tek uryp-soǵýǵa tapsyrys bergenіn aıtty. Sot alqasy sottalǵandardyń kіnásі kýágerdіń aıǵaqtarymen, áńgіmelesý stenogrammasymen, tárkіlengen zattaı dáleldemelermen tolyq dáleldendі degen qorytyndyǵa keldі.
Sottyń 25 jeltoqsandaǵy qaýlysymen úkіm ózgerіssіz qaldyryldy jáne zańdy kúshіne endі.