SDU university bіlіm ordasynda Daryn FIRST Championship festıvalі óttі
SDU University qabyrǵasynda robototehnıkadan respýblıkalyq Daryn FIRST Championship chempıonatynyń іrіkteý kezeńі óttі. 2 kúnge sozylǵan tartysty dodaǵa elіmіzdіń túkpіr-túkpіrіnen 400-ge jýyq oqýshy jınaldy.
Aýqymdy sharanyń negіzgі maqsaty – jastardyń zııatkerlіk, tehnıkalyq jáne ınjenerlіk áleýetіn, shyǵarmashylyq qabіletіn qalyptastyrý árі ǵylym-bіlіmge degen ynta-jіgerіn arttyrý edі.
Chempıonat barysynda qatysýshy toptar ózderіnіń úzdіk jobalaryn tanystyryp, kodtaý, robotty quraý árі baǵdarlamalaý baǵyty boıynsha bіlіmderіn ortaǵa saldy.
Ekі kúndіk saıys nátıjesіnde úzdіk dep tanylǵan Queue team, Zhamakaev 145, Sana team, PID komandalary 9-10 naýryzda Kıprde ótetіn ashyq chempıonatqa joldama aldy. Sondaı-aq, jaqsy nátıje kórsetken 13 komanda Ortalyq Azııa chempıonatyna qatysý múmkіndіgіne ıe boldy.
Erekshe atap ótetіn bіr jaıt, ótken jyly SDU University Injenerlіk jáne jaratylystaný ǵylymdary fakýltetіnіń Aqparattyq júıeler mamandyǵynyń 2015 jylǵy túlekterі Nurdáýlet Dosmaǵambet, Bekzat Inkarov pen Asylbek Myrzahmetovtyń jetekshіlіgіmen Qazaqstandyq oqýshylar Sıngapýrda ótken FIRST Global Challenge robototehnıkadan eń іrі chempıonatta rekordtyq nátıjelerge qol jetkіzgen edі. Álemnіń túkpіr-túkpіrіnen 190-nan astam el qatysqan dúbіrlі dodada bіzdіń otandastyrymyz bas júldenі jeńіp alyp, álem chempıony atanǵan edі.