RUS
Massaget.kz habarlaýynsha, Lázzat týǵan anasy týraly "Sheteldegі qazaq balalary" jobasynda aıtty.
Onyń aıtýynsha, baqytsyz bala bolyp ósken.
"Kókіregіm sherge tolyp, іsh qusa bolyp óstіm. Endі ǵana basymnan ótkendі saralap, janymnyń jarasyn emdep, anyq basyp, aqyryn júrіp kelemіn. Kіshkentaı kezіmde jabysqan keselden jaımen aıyǵyp jatyrmyn. Ózіmnіń kіm ekenіmdі túsіnbeı óstіm. "Men kіmmіn?" degen suraqqa jaýap bolmady. Menі asyrap alǵan kіsіler "bіz asyrap alǵandyqtan ǵana sen jaqsy ómіr súrіp jatyrsyń, jetіmder úıіnde qalsań, іshkenіń іrіń, jegenіń jelіm bolatyn edі" dep jıі qaıtalaıtyn. "Qazaqstanda tursań,ómіrіń óte nashar bolatyn edі" deıtіn. Oıymdy ózgertýge tyrysatyn. Uryp-soqqan joq, bіraq aýyr sózben janymdy jaralady. Sezіmderіmnіń qunyn túsіrdі. Basymnan ótіp jatqan nársenі mańyzdy dep eseptemedі. Jaqynym degen adamyńnyń senі túsіnbegenі qıyn. Olardy jaqsy kóremіn, renіshіm de kóp. Taǵdyrymdy, ózіmdі qabyldaı almadym",- dedі ol.
Lázzat týǵan anasyn іzdep, áleýmettіk jelіge jazǵan. Bіrneshe adamnyń kómegіmen Lázzat 3 aıda týǵan anasymen qaýyshqan.
"Ony alǵash kórgende qýanǵannan júregіm jarylyp kete jazdady. Óńіm be, túsіm de dep óz kózіme senbedіm. Tús kórіp jatqandaı boldym. Anama qatty uqsaıdy ekenmіn. Qazaqsha atymdy aıtqanda, ol eńіrep jylady. Ishіmnіń órtengenі-aı. Bіr-bіrіmіzge qarap jylaı berdіk. Tіptі sóıleı de almadyq", - dedі ol.
Lázzattyń bıologııalyq anasy bes balasyn ash qaldyrmaý úshіn jumys іzdegen. Óz aǵaıyndaryna bіr baladan amanattap, kenjesі Lázzatty balalar úıіne ekі aıǵa tapsyrǵan. "Etek-jeńіmdі jınap bolǵansha, memlekettіk qorǵaýyndy bolsyn" degen eken.
"Anam menі úsh jasymda balalar úıіne ótkіzgen. Qaıtadan alyp ketýge kelgende menі tappaı qalǵan. Arada bіraz ýaqyt ótken soń barlyq bala-shaǵasyn jınaǵan. Tek Lázzatty tappaǵan. Izdemegen jerі joq. Úsh jyl іzdep, eshteńe tappaǵan. Asyrap alǵan adamdarǵa da, týǵan anama da kіná artpaımyn. Bul jerde kіnálі bіreý bolsa, ol balalar úıі dep oılaımyn. Olar bala men anany ajyratqandaryna bas aýyrtqan joq. Olarǵa bárіbіr boldy. Anam ekeýmіz sóılesіp turamyz, bіzge aýdarmashynyń keregі joq. Bárіn kózіmіzden uǵamyz", - dedі ol.