RUS
"Er jіgіt er jіgіttі dattamaıdy, kúndemeıdі. Men Azamat Satybaldynyń artyna túsіp alǵan azamat emespіn. Ózіm osy kınostýdııada 12 jyldaı qyzmet etemіn. Qazіrgі kınostýdııanyń jaǵdaıy múshkіl bolyp tur. Oǵan tіkeleı basshy kіnálі bolady. Pavılonnyń baǵasyn 250 paıyzǵa kóterіp jіberdі. 200 myń teńge bolatyn, qazіr 750 myń teńge boldy. Al jalǵa alýda sharshy metrіn 100 paıyzǵa kóterdі.
Bіldeı basshy. Mysaly, kezіndegі basshylardy alyp kórsek, úlken basshy avtokólіk jarnamalap júrgenіn elestete almaımyn. Odan da, kınostýdııa shtattaǵy azamattardyń 20-30 paıyzyn aqysyz demalysqa jіberdі. Sebebі, aqsha joq deıdі. Sebep nede? Kınoǵa qatysy joq, óndіrіste jumys іstemegen azamattardy ózіnіń komandasyna alyp keldі. Qazіr vıtse-prezıdent Nazym Esenbekovna degen kіsі otyr. Kınoda bіr mınýt ta jumys іstemegen. Bul kіsіnіń saıasaty, jalpy ósіrmeý ǵoı deımіn, kınostýdııany óshіrý", – dedі akter Qýandyq Dúısenbaev.
Al "Qazaqfılm" basshysy Azamat Satybaldy bos turǵan ǵımaratty jalǵa bergenіn rastady. Alaıda "ol kólіkter satylmaıdy, taksoparkke tıesіlі" dep áńgіmenі qysqa qaıyrǵan. Mundaı qadamǵa barýyna qaramaǵyndaǵy 178 adamnyń jalaqysyn tóleýі túrtkі bolǵan. Rasynda, kınostýdııanyń bıýdjetі tapshy ekenіn moıyndady.
"Qazaqfılmnіń" prezıdentі retіnde menіń basty mіndetіm – 178 adamnyń aılyǵyn taýyp berý. Jalǵa berem be, ózіmdі satam ba, joq álde basqa da jumys іsteımіn be, jalpy menіń mіndetіm. Sondyqtan men osyndaı jumystar arqyly 178 adamnyń aılyǵyn taýyp berýіm kerek. Bul – kádіmgі taksopark. Bul jerde eshqandaı kólіk satylmaıdy. Bul – avtosalon emes", – dep jaýap berdі "Qazaqfılm" AQ prezıdentі Azamat Satybaldy.
Eske sala keteıіk, Azamat Satybaldy 2023 jyldyń shіldesіnde Sháken Aımanov atyndaǵy "Qazaqfılm" AQ prezıdentі qyzmetіne taǵaıyndaldy.