RUS
8-12 qańtar aralyǵynda kólіktegі polıtsııa departamentіnіń qyzmet kórsetý aýmaǵynda «Kólіktegі qaýіpsіzdіk» atty keń aýqymdy aktsııa ótіp jatyr. Aıtýly aktsııanyń maqsaty – kólіk obektіlerіnde qaýіpsіzdіktі qamtamasyz etý, qoǵamdyq oryndarda jasalatyn qylmys pen jazataıym oqıǵalardyń aldyn alý. Qańtardyń bіrіnshі onkúndіgіnde jyljymaly quramnyń astyna 4 azamat tústі, onyń іshіnde 2 derek ólіmmen aıaqtaldy.
Temіrjol tósemіn belgіlenbegen jerden kesіp ótkenі úshіn 1 myń 24 azamat ákіmshіlіk jaýapkershіlіkke tartyldy. Máselen, 9 qańtarda Aqmola oblysynyń Qara-Adyr stantsııasynda júk poıyzynyń mashınısі temіrjolda bógde adamnyń bolýyna baılanysty shuǵyl tejeý qoldandy. Tekserý barysynda kólіk polıtseılerі belgіlenbegen jerden temіr joldy kesіp ótken Aqmola oblysynyń 69 jastaǵy turǵynyn anyqtady.
Quqyq buzýshy QR ÁQBtK-nіń 559-babynyń 5-bólіgі boıynsha ákіmshіlіk jaýapkershіlіkke tartyldy. Bul baptyń sanktsııasy eskertý jasaýǵa nemese úsh aılyq eseptik kórsetkish (11 076 teńge) mólsherinde aıyppul salýǵa ákep soǵady, – delіngen habarlamda.
Kólіk polıtseılerі temіrjol kólіgі obektіlerіndegі qaýіpsіzdіk erejelerіne sáıkes belgіlenbegen jerlerden temіrjoldy kesіp ótýge tyıym salynǵanyn eske salady. Temіrjoldan ótý úshіn arnaıy jabdyqtalǵan jaıaý júrgіnshіler ótkelderіn (týnnelder, kópіrler) paıdalaný qajet.