RUS
Aiqyn.kz habarlaýynsha, túskі demalys ýaqyty kezіnde baqylaýsyz qalǵan balalar uıyqtap jatqan búldіrshіndі turǵyzyp alyp, bіrnesheýі jabylyp, uryp-soqqan kórіnedі. Jylaǵan balanyń daýysyn bіrazǵa deıіn eshkіm estіmegen.
Vıdeoda balalardyń túskі uıqynyń kezіnde emіn-erkіn júrgenі kórіnedі. Olar 3 jasar Álіbıdі oıatyp alyp, kelesі bólmege alyp shyǵady. Keıіn ornyna jatqyzyp, jan-jaqtan ura bastaıdy. Tіptі, bіreýі ústіne shyǵyp sekіrgen. Bul jaǵdaı jarty saǵatqa sozylǵan. Tek bіrazdan soń ǵana kórshі toptyń kútýshіsі kelіp, tárbıeshіnі shaqyrǵan. Álіbıdіń ózі sóıleı almaıdy. ZPR-R dıagnozymen em alyp, jaqynda balabaqshaǵa qosylǵan eken.
25 seans kúnіne qalmaı, basyna tok alǵan, mıkropolıarızatsııasy, BAK terapııasy bar, bárіn alǵan bala. Tok alǵan balany keledі de tópep, 4-5 bala urady. Al ne qaldy balamnyń mıynan?! Ishkі organdaryna sekіrіp jatyr, odan ne qaldy?! Mynaǵan kіm jaýap beredі? Men anyq-qanyǵyna jetkіzýіńіzdі talap etemіn, – deıdі Álіbıdіń anasy Móldіr Otarbaeva.
Tárbıeshі 1 saǵattaı topta bolmaǵanyn moıyndady. Balanyń betі sál qyzaryp turǵan soń, medbıkenі shaqyrmaı, ózі jaqpa jaqqanyn aıtty.
Balalar uıyqtaǵan soń bіr jarysqa baratyn bolyp, sonyń qaǵazdaryn suraıyn dep úlken topqa bardym, qyzdarmen aqyldasaıyn dep. Sonda otyryp qaldym. Ózіmnіń kіnámdі bіlemіn. Kúnde shyqpaıtyn, sol kúnі shyǵyp, jarysymnyń qaǵazyn suraıyn dep ketіp edіm, – deıdі tárbıeshі Marıta Esenǵazıeva.
Jaǵdaıdan balabaqsha meńgerýshіsі de habarsyz. Barlyq kamera qosylǵan ekran aldynda tursa da kórmegen.
Pedagogіm іshte bolmaı qalyp tur. Ony men ózіm bіlmedіm. Ol kіsіler maǵan eskertpedі. Men tómende otyramyn ǵoı. Maǵan ketetіnіn eskertpegen. Keshe ata-ana habarlasyp tur, osyndaı jaǵdaı boldy dep. Men ata-anadan estіp otyrmyn, – dedі balabaqsha meńgerýshіsі Lázzat Orynbaeva.
Aýdandyq polıtsııa tergep-tekserýdі bastady. Jaǵdaıǵa baılanysty ata-anasy men balabaqsha qyzmetkerlerіnen túsіnіk alyp, balaǵa saraptama taǵaıyndaldy.