RUS
Zhasalash.kz habarlaýynsha, pedagogtar shetelde júrіp, bіrneshe márte transvestıtter klýbynda kóńіl kótergen. Muǵalіmderdіń bul áreketіn ata - analar áleýmettіk jelіler arqyly kórіp, ustazdardyń mektepten ketýіn talap etіptі.
Beıádep qylyq kórsetken Qyzylorda oblysy Qarmaqshy aýdanyna qarasty №250 mekteptіń aǵylshyn tіlі pánіnіń muǵalіmderі. Shet tіlіn meńgergen mamandar Qyzyl teńіz jaǵasynda tynyǵý úshіn mektep ákіmshіlіgіn eskertіp, aqysyz demalys alýdy uıǵarypty. Alaıda keıіn ustazdardyń Túrkııadaǵy transvestıtter klýbynda demalǵan vıdeolary áleýmettіk jelіlerde tarap ketіp, ata - analardyń narazylyǵyn týdyrǵan. Qaramaǵyndaǵy qyzmetkerlerdіń mundaı áreketke barǵandyǵy mektep basshylyǵyn da eseńgіretіp tastaǵan kórіnedі.
"Ekeýі de aǵylshyn tіlі pánіnіń muǵalіmderі, jas mamandar. Bіreýіnіń "magıstr" ataǵy da bar. Ustazdardyń áreketіn pedagogıkalyq keńeste talqyladyq, jınalysqa ádeıіlep tek áıel muǵalіmderdі qatystyrýdy jón kórdіm. Jınalystan keıіn ustazdar óz erіkterіmen jumystan ketý týraly aryzdaryn jazdy. Ol kіsіler tek ustaz ǵana emes, sonymen qatar áıel kіsіler, bala tárbıelep otyrǵan ana. Árіptesterіmіzdіń mundaı áreketke barǵandary óte uıat boldy", - dep málіmdedі mektep dırektory Gúljahan Narbaeva.