RUS
– Kıno salasynda tutas degradatsııa bolyp jatyr. Men ony tіptі dıversııa dep ataımyn. Kóz aldymyzda bolyp jatqan nárse. Áneýbіr mototsıklge mіngen áıeldі aıtam, ıá, «Taptym-aý, senі». Jalqaýlanbaı baryp qaıttym. Bul katastrofa! Al zaldar lyq toly. Kóz aldyńa elestete alasyń ba? Ultymyzdyń ýlanǵany sonshalyqty, olardyń bárі anany – bul jerde boqtaýǵa bolmaıdy á, sony kórіp otyr. Kóre otyryp bárі baqytty. Ornymnan turyp, «halaıyq, senderdі aldap soǵyp jatyr, myna kınonyń bárі ótіrіk, nemege kórіp otyrsyzdar?» degіm keledі. Qazіrgі kınosymaqtar... Qaıdaǵy bіr akterlar men rejısserler qaptap kettі. Ekran byt-shyt – katastrofa. Mynanyń bárіn kórgenshe ólіp ketýіm kerek edі. Sonyń bárі tapa-tal túste bolyp jatyr. TSenzýra engіzý kerek, – deıdі Ermek Tursynov “Múmkіn emes” Youtube arnasyna bergen suhbatynda.
Rejısser sonymen qatar, sahnada stendaperler aýzyna kelgenіn aıtatynyn eske salady.
– Ózіnіń «jіgіttіgіn» boqtyqpen jabatyndardy qoıshy, qazіr solaı qyzdar da sahnada aýzyna kelgenіn kókıdі. Men ony qabyldaı almaımyn. Senderge ne bolǵan? Televıdenıede, áleýmettіk jelіde ne bolyp jatyr? Belgіlі bіr ýaqyttan keıіn qylmyskerler qoǵamyn qalyptastyramyz bul túrіmіzben, – deıdі ol.
Ermek Tursynov Qazaqstan buryn úlken túrme bolǵanyn aıtyp, sol shaqqa qaıtyp bara jatqan sııaqtymyz dep qaýіptenedі.
– Túrmeler bіzde kóbeıedі álі. Óıtkenі sol fılmderge baratyn aýdıtorııa – keleshektegі qylmyskerler. Óıtkenі olardyń sanasynda eshteńe joq. Ol jaqta nendeı qundylyqtar nasıhattalyp jatyr? «Urlyq jasa da, mal tap» degendeı áńgіme. Bul jappaı degradatsııa, – deıdі ol.