Uıaly baılanys operatorlaryna salynǵan aıyppul nátıjelі boldy
Qazaqstannyń tsıfrlyq damý, ınnovatsııalar jáne aeroǵarysh ónerkásіbі mınıstrlіgі uıaly baılanys operatorlaryna 700-den astam tekserýler júrgіzіp, 3 mlrd 288 mln teńgege aıyppul saldy. Bul týraly Halyq sozi habarlap otyr.
Mınıstrlіk óz quzyretі aıasynda uıaly baılanys operatorlaryna sapasyz qyzmetterіn usynǵany úshіn aıyppul salý ókіlettіgіne ıe.
Osylaısha, 2023 jyly vedomstvo 782 tekserý júrgіzіp, 3 mlrd 288 mln teńge kólemіnde aıyppul saldy. Bıýdjetke zańnamada kózdelgen jeńіldіktі eskere otyryp, 1 mlrd 644 mln teńge tólendі, onyń іshіnde operatorlar boıynsha:
Tele2 - 751,4 mln teńge;
Kcell - 563,2 mln teńge;
Beeline - 329,4 mln teńge tóledі.
Baǵdat Mýsınnіń press-sekretarі Albına hanymnyń aıtýy boıynsha, aıyppul nátıjelі boldy:
«Tarıf kóterіlmeıdі, ınternettіń sapasy jaqsarady. Uıaly baılanys operatorlarynyń jaýapkershіlіgі kúnnen kúnge jaqsaryp kele jatyr», - dedі ol.
Esterіńіzge sala keteıіk, tekserý jumystary halyqtyń suranystary arqasynda júzege asty.
Maqala avtorlary: Erbol Bіrǵanym, Dostov Islam, Ibragım Igіlіk, Jýnýsova Arýjan, Jýmabaı Elmıra.